其實女仔得一個要求
其實女仔得一個要求，就係你追到手之後，唔好咁懶。
有人問我，我理想男朋友係點？我話彭于晏咁。然後比人話要求高，我真係吹到啤一聲。
啤～～～～
呢啲問題，正如問男仔想個女朋友係點，都離唔開靚啦、身材好啦、小鳥依人嘅同時又最好獨立少少唔好煩到佢地啦……講到天花龍鳳，最後咪又係娶隻四不象返屋企煮飯！理想同現實係有好大落差架啦，依家啲男仔成日話港女要求高，又話要上進，又要有細心，又要有風度……重要有私樓添！
唉，我啲姊妹嘅男朋友最後咪又係甩皮甩骨，有啲重好爛賭添……
如果女仔真係可以咁無情淨係睇條件，就唔會有咁多女人成世都離唔開某個男人，最後重做埋二奶生埋仔添啦。喺女性嘅世界，感情根本係大過天，話知你失學失業失明失聰，如果真係鍾意你，而你又真係好好咁對個女仔。根本佢就唔會你屋企有幾多錢，甚至倒返轉頭養你都得架。
我知，好多人會話自己個女朋友，一齊左一排，見耐左無新鮮感，就跟手同第二個一齊。喂你地啲男仔有無諗過，你地追之前幾有心機，又包接送，傾電話又鬼死咁有急才。一齊左之後呢？你打緊機嘅時候呀，我打黎阻你兩分鐘，你就發晒脾氣話舖機因為我輸左，大時大節叫你做返少少表示，求其摺啲星星，你又嫌麻煩，Book檯又懶，好啦咁我退而求其次叫你買扎花比我……你又話我港女！
比啲心思啦好嘛！
呢個年代，做女人真係好輸蝕架，三從四德又唔可以無，搵得多錢個男仔，男仔又唔高興；唔做野喺屋企，你又拎第二個人黎比較話人地個女朋友幾幫得手！叫你煮飯你就一定唔識架啦，又話咩女人野女人做。咁好，我係女人我命苦！做晒所有野，頸巾都織埋比你啦！大時大節叫你Book檯食飯摺下星忙返一日姐，都唔係好難為丫係咪呀？吹一百樣野出黎，做到嘅都唔知有無五樣。做唔到都算，重要比男仔話高要求，真係喊出黎 L
女仔都係要感性上嘅關懷同注意，好似話去餐廳食飯你會比餐牌佢睇先，記住佢既生理期然後叫佢唔好飲凍野，出街帶定包紙巾以防萬一……男仔有無用心，女仔真係會睇到架。
男仔話女仔易變心，其實女仔好多時真係投訴過好多次，或軟或硬，訴苦又試過，鬧交又試過，真係唔會再改變，先至決定離開架。
歸根究底，女人要既只係一個對自己好，企企理理，有份正常職業嘅男仔，咁已經好有安全感架啦，得閒比自己嗲下，呃呃氹氹就一世囉。
真架！
有人問我，我理想男朋友係點？我話彭于晏咁。然後比人話要求高，我真係吹到啤一聲。
啤～～～～
呢啲問題，正如問男仔想個女朋友係點，都離唔開靚啦、身材好啦、小鳥依人嘅同時又最好獨立少少唔好煩到佢地啦……講到天花龍鳳，最後咪又係娶隻四不象返屋企煮飯！理想同現實係有好大落差架啦，依家啲男仔成日話港女要求高，又話要上進，又要有細心，又要有風度……重要有私樓添！
唉，我啲姊妹嘅男朋友最後咪又係甩皮甩骨，有啲重好爛賭添……
如果女仔真係可以咁無情淨係睇條件，就唔會有咁多女人成世都離唔開某個男人，最後重做埋二奶生埋仔添啦。喺女性嘅世界，感情根本係大過天，話知你失學失業失明失聰，如果真係鍾意你，而你又真係好好咁對個女仔。根本佢就唔會你屋企有幾多錢，甚至倒返轉頭養你都得架。
我知，好多人會話自己個女朋友，一齊左一排，見耐左無新鮮感，就跟手同第二個一齊。喂你地啲男仔有無諗過，你地追之前幾有心機，又包接送，傾電話又鬼死咁有急才。一齊左之後呢？你打緊機嘅時候呀，我打黎阻你兩分鐘，你就發晒脾氣話舖機因為我輸左，大時大節叫你做返少少表示，求其摺啲星星，你又嫌麻煩，Book檯又懶，好啦咁我退而求其次叫你買扎花比我……你又話我港女！
比啲心思啦好嘛！
呢個年代，做女人真係好輸蝕架，三從四德又唔可以無，搵得多錢個男仔，男仔又唔高興；唔做野喺屋企，你又拎第二個人黎比較話人地個女朋友幾幫得手！叫你煮飯你就一定唔識架啦，又話咩女人野女人做。咁好，我係女人我命苦！做晒所有野，頸巾都織埋比你啦！大時大節叫你Book檯食飯摺下星忙返一日姐，都唔係好難為丫係咪呀？吹一百樣野出黎，做到嘅都唔知有無五樣。做唔到都算，重要比男仔話高要求，真係喊出黎 L
女仔都係要感性上嘅關懷同注意，好似話去餐廳食飯你會比餐牌佢睇先，記住佢既生理期然後叫佢唔好飲凍野，出街帶定包紙巾以防萬一……男仔有無用心，女仔真係會睇到架。
男仔話女仔易變心，其實女仔好多時真係投訴過好多次，或軟或硬，訴苦又試過，鬧交又試過，真係唔會再改變，先至決定離開架。
歸根究底，女人要既只係一個對自己好，企企理理，有份正常職業嘅男仔，咁已經好有安全感架啦，得閒比自己嗲下，呃呃氹氹就一世囉。
真架！