特色西班牙菜小店 @ Tapas Brew

顯示分享連結
一直也知道大角咀有不少食店, 早前終於有機會去試其中一間叫Tapas Brew的西班牙餐廳食飯.





這裡裝修別緻, 有高枱座位, 方便附近工作的人士放工後來這裡happy hour.



這裡菜式選擇不算好多, 但好多款都好吸引, 好難去選擇.

小食我地點了茴香蜜汁蒜蓉雞翼伴檸檬和地中海式炸魷魚圈配檸檬蒜香蛋黃醬.

雞翼上枱時已聞到淡淡的茴香味, 我自己都幾鍾意食加添香草的食品.



雞翼外皮帶點甜甜地.

雞肉又不會太乾. 而且入口有茴香, 蜜汁和蒜蓉混合的味道, 多重口感.



地中海式炸魷魚圈配檸檬蒜香蛋黃醬.



炸物的炸漿是好重要, 我最怕太厚的炸漿, 遮蓋了食物的味道.

而這個炸魷魚圈炸漿夠薄身, 而魷魚圈新鮮, 又夠彈牙.

若鍾意飲酒的朋友, 這兩款佐酒小食非常適合.

不飲酒的我地, 作為小食也是不錯選擇.

主菜我點了特色烤乳豬.



乳豬外皮又薄又香脆, 口感有點似食薯片.



最重要是乳豬皮下沒有太多的脂肪, 所以食得更放心.

而乳豬肉好嫩滑, 不用點醬汁也可以, 若想味道濃一點, 就點醬汁一齊食, 兩個食法各有不同.


在這店內一邊食飯, 一邊同朋友傾計, 令人感覺舒服和放鬆, 好適合放工後與三五知己來聚一聚.

如果喜歡我們的文章，請即分享到︰