晚飯 @ AGE Cuisine Express

顯示分享連結
上星期放工後, 去了位於鰂魚涌東達中心的AGE Cuisine Express食晚飯.


這裡的怖置以簡約為主.

先點了一個湯, 我選了法式龍蝦湯.



對於我來講, 湯最基本是要夠熱.

唔夠熱的湯味道始終差一點點, 這裡的湯熱辣辣.

龍蝦湯香濃又幼滑, 啱晒我的口味.

湯裡仲有蝦.



蒜蓉片夠香脆, 入口有淡淡的蒜蓉香味.

小食點了白酒煮新鮮藍青口仔.


份量大約十隻左右.

青口仔的味道尚算可以, 但我覺得煮的時間耐咗少少, 青口仔唔夠彈牙, 偏向腍身.



主菜點了虎蝦配自家制墨魚汁意大利飯.



我自己鍾意食意大利飯, 見到配上墨魚汁, 所以想一試.

這裡的墨魚汁感覺上和我平日食的有點不同, 這裡較濃郁.

而意大利飯軟硬適中, 口感不錯.





蝦肉幾爽口, 但略為較細隻, 唔夠喉, 口感唔夠.



飲品我就簡單點了一杯橙汁.



最後, 當然要食番個甜品.

我選了傳統意大利芝士蘋果撻.



我自己覺得這個幾特別, 平日好少食, 所以點了.

上枱時已被佢的賣相所吸引, 不但精緻, 仲色彩繽紛.

入口時混合意大利芝士和蘋果肉, 雙重口感, 若再多一點蘋果肉就更好.

芝士味唔算好濃郁, 但有淡淡的芝士味.



而撻面放了青蘋果片和士多啤梨, 甜甜酸酸, 好啱飯後食, 唔會覺得膩, 又唔會太甜.

如果喜歡我們的文章，請即分享到︰