「十蚊的價值」

到底十蚊對我黎講係幾多？
到各位黎講又係幾多？一串魚旦？
一支道地？
定係一支津路,
平時同朋友食飯差十蚊朋友或者你都會講句：「由佢啦」
十蚊對好多打工仔,學生黎講,
都只不過係銀同紙既分別衰d講
真係跌左既 都唔止啦,
當然係呢個社會實會有d貧事線下既人,
對佢地黎講十蚊都已經好珍貴,
十個十蚊對佢地黎講可能已經係洪水猛獸
但係佢地唔偷,唔搶,
我只不過係旺角信和行出黎,
見到有個婆婆好努力咁叫人幫襯下佢買白蘭花,
比佢早d收工,
好老實,
我都猶豫左下,究竟幫唔幫好,不過個天就好識開玩笑,
係我臨過馬路既時候轉紅燈,
我就企左係到,
望住婆婆,就算佢係呃我,
都只不過十蚊姐,
到底點解可以咁斤斤計較,
自己都收左工啦,
呀婆都要番屋企休息啦下話,
我番轉頭同婆婆講：「比十蚊我吖唔該」
婆婆覆我一句：「祝你身壯力健」
之後佢就繼續向住一班冇乜反應既人嗌：「幫下呀婆手啦」
其實十蚊姐,
幫下呀婆手囉,
有能力既,咪幫呀婆收工囉,
淨係一句祝你身壯力健都抵比你啦,
其實唔計較,先係人情味本質
ps.有人會問,點解唔同婆婆影番張相,等多d人幫到手呢?
我會答:「如果我咁做,隨時搞到婆婆冇左個飯碗,咁又有乜為呢?」
同埋我相信每個人都有自己既生存方式,今次可以一殺那幫婆婆買哂,咁下次呢？