《愛．回家之開心速遞》- 女人減肥血淚史！

《愛．回家之開心速遞》長做長有，仲不斷加入唔同嘅新角色，使出「大堆頭」攻勢去侵佔觀眾嘅胃口！尋晚又到咗Ma姐（何綺雲 飾）出場嘅時間，劇情當然係繼續講佢想成為大龍生（羅樂林 飾 ）嘅老婆。


但小編就反而留意到劇集下半部份：Mia 為咗可以再著得翻20年前曾經著過嘅粉紅色晚裝裙去Ball（其實係想大龍生記起自己），就用咗2日時間用地獄式嘅方法去減肥！嗚啊！真係睇到小編好有共嗚啊！

1. 保鮮紙減肥法

就算未親身些試過，但都一定會聽過嘅「保鮮紙減肥法」！大家都會相信緊緊包實個身，點都可以焗得出一身汗、去水腫，從而達至快速減磅嘅效果！


2. 蒸身

只係用保鮮紙，又點夠滿足貪心嘅女人仔丫！包完保鮮紙，仲要再用機蒸身，一於去盡佢。（Mia個心都嚇到離一離）近年坊間都有唔少韓式蒸身服務，聲稱可以「坐住減肥」，仲可以促進血液循環、新陳代謝，同時提升睡眠質素。



3.磁叉通經絡

「碌多幾圈就會瘦嫁喇！」磁叉通經絡係咩？當磁叉棒同皮膚產生磨擦後，就可以幫助解除紅血球之間嘅黏結，加強血液循環、排清身體毒素。




4. 推拿整型

唔少女仔都會覺自己有個Pizza面而希望用推拿去瘦面！諗起都痛！（都係投靠美圖App好了）


5. 禁食

如果想極速瘦身，有部份傻豬豬會禁食幾日，甚至連水都唔飲（婚禮、謝師宴前為最為常見）！即使畀你成功瘦身，但令到個人面青口唇白，上鏡都唔慌靚得去邊喇！Girls～減肥都要有個譜啊！



各位迷失喺呢場減肥耐力賽嘅Girls，都係乖乖地食得清淡、多做運動喇！


Ref: TVB