AV男優？ 坤哥日本被「點錯相」 順手出post曬日文 會唔會又錯字？

吳業坤（坤哥）尋日係instgram 上出post，話佢自己身處日本旅行期間，被2個日本妹認錯人。


坤哥仲打咗句「當你係渋谷比日本學生妹認錯係第2個既時候，又恥ずかしい又唔識應。」

坤哥無啦啦打句日文，除咗係想營造一個充滿日本style嘅caption，應該都順手想曬下自己早前考取咗日文N4合格！



小編本身唔識日文，但就咁睇「恥ずかしい」，加上完整嘅上文下理，都知呢個用詞係解尷尬或者怕醜嘅意思。小編再google一下就再確定係唔好意思、丟臉等等嘅意思。但再睇落去，就發現又有幾組相類似「恥ずかしい」嘅，有「.恥らい」同「恥じらう」，真係錯少少，個意思都唔同曬。
咁小編相信坤哥出post前都有睇清楚先，又或者google時都有copy清楚嘅，同埋佢都考得到日文最入門嘅N4，應該唔會再有「食好西」、「訂咗兩隻wife係機場拎」嘅災難......


仲有呢個海「車」雞！（即係海南雞）


小編唔計日文個post，就咁計坤哥「往績」，打錯字、打少字真係老是常出現。「Wifi」變「Wife」、「食好東西」變「食好西」、「海南雞」都要變成「海車雞」（速成碼係一樣），唔理係想出位、呃like定真心打錯字，但身為一個公眾人物，可唔可以醒醒定定出post 呢？（認真mode上身）

偽毒，可一不可再！
Ref: Instagram