【純情學生妹】楊丞琳小學相曝光 檢閱女星那些年！

初出道時有可愛教主稱號嘅楊丞琳Rainie ，早前曾經玩過熱爆全城嘅 10 years challenge，大家都話佢好似無變過，可愛指數反而有增無減呢！

既然Rainie經得起10年嘅洗禮，又點會怕學生時期嘅相被公開丫！

早幾日，就有網民喺微博post 出自己小學畢業冊當中嘅楊丞琳！


再睇埋Rainie 曾經公開過嘅中學相（圖左，圖右為2017年拍攝《前男友不是人》時的造型）：


嘩！真係純天然，五官同依家相差唔大。畢竟Rainie 天生一副小臉，只要大個唔長歪，其實都唔會有太大問題。

其實除咗Rainie，小編都記得唔少香港女星都post 過自己嘅小學、中學時期相上社交平台呢！
小編就精選咗3位女星嘅學生相，發現佢地真係由細靚到大，係無花無假嘅香港版嘅零添加女神！


李佳芯(Ali )

Ali 本身五觀唔算突出，但就因為勝在簡單，在學生時代無修圖、無花巧造型下，都可以無出事，就係女神嘅力量！




鍾嘉欣 (Linda)

呢張嘉欣少有喺instagram post 出嘅學生相，就算係細細格又無阻佢嘅清純！那些年嘅嘉欣BB係有少少baby fat ，但笑容、表情又同依家相差唔係好大，仲有一份學生先至有嘅純樸呢！




蔡卓妍（阿Sa）

曾幾何時，孖辮係唔少人心目中嘅「清純」標誌，但當年有番咁上下，應該都唔會有勇氣用孖辮妹造型出街（好心就唔好扮可愛喇）！但就係人嘅問題，「童顏」阿Sa今年唔經唔覺已經30有6，但相信佢依家整番呢個look 都係零違和感！



如果你細心睇佢地3個嘅學生相，你會發現一個字（唔係靚啊！），就係：舊！

因乜解救小編要搵呢堆有成10幾年歷史嘅學生相呢？就係因為Rainie 係30+嘅女星，自然就需要搵埋差唔多年紀嘅女星去做比對，更加突顯出佢地同樣都係經得起時間洗禮，又唔洗食防腐劑嘅童顏女星啊！

相信大家同小編一樣，都係100%覺得一系列嘅港式證件相、學生相都係一堆令人唔想記得嘅「黑歷史」真係想一把火燒鬼曬佢！竟然可以影到未準備好嘅表情、黑面、包包面、亂到阿媽都唔認得嘅髮型，真係見到都唔想打開本學生手冊啊！如果當時都有韓式證件相影嘅話，呢個地球就唔會有唔靚嘅學生相，只有PS無咁多嘅學生相！

Ref: instagram