What？麥當勞額外泰式辣醬收1蚊，雞翼控點算好？
近日，連鎖快餐店麥當勞發言人指將會於聽日（2月18日）生效「額外泰式辣醬要收1蚊」呢一項措施！
但各位買脆香雞翼（包括2件/4件/脆味分享盒）時照舊都可以得到附送嘅1包泰式辣醬。
又唔係無醬，只係唔可以滿足一眾「多醬」人嘅需要。相信唔少人都會覺得雞翼最重要嘅係醬，身邊都有唔少人會用泰式辣醬去點薯條，又或者又嚟配其他麥當勞嘅食物，可想而知泰式辣醬係幾咁重要，簡直係大家嘅支柱！
其實麥當勞額外醬料、造味料需額外費用，都已經唔係第一次發生嘅事情，加額外麥樂雞醬要再加1蚊、另購期間限定嘅Shake Shake粉都要加相應嘅金額。
如果各位唔想額外加錢買多包泰式辣醬的話，小編都有個好建議：
分2次買2件雞翼，就可以有2包醬喇！如果唔係只好忍口食少D醬，一包醬分4隻雞翼！