江嘉敏《福爾摩師奶》大喊，洗甩《美女廚房》假喊嘅罪名？

基本上每一套電視劇集當中都會有一個專做「喊包」嘅演員，最近播出嘅劇集《褔爾摩師奶》當中，短短第二集就出現第一場「喊戲」！

劇情講到飾演江嘉敏 所飾演嘅「丁曉堯」，媽媽喺劇中突然被人所殺害。當丁曉堯知道媽媽已經死咗嘅呢個事實、以及親眼睇到屍體嘅一刻，仲要食住媽媽死前所整嘅糕點，馬上「大喊十」上身，眼淚慢慢咁洗出來，作為觀眾嘅，都覺得真係「陰公豬」啊！





當小編見到江嘉敏大叫大喊，又記起佢早前上參與節目《美女廚房》時，當幾位主持人討論緊佢同劉穎鏇時，佢就話：「你地竟然喺我地面前講我地壞話」，當時已經一邊喊一邊住煮，聲淚俱下，連「嚇親」嘅拍檔劉穎鏇都有輕輕安慰一下佢。



但實情只不過係佢切洋蔥時「流眼水」，就借題發揮乘機用嚟指責主持人......


小編尋晚都有被江嘉敏嘅呢一場喊戲所帶動，覺得佢今次所謂嘅「真 ‧ 喊」係喊得唔錯，可能就係因為今次係喺一套認真主題嘅劇集中發生，而唔係一套柴娃娃嘅喜劇，所以就用唔上「流眼水」嘅技巧喇！