上屆華姐季軍無影，視帝馬德鐘「蝦碌」代頒！

喺選美活動當中，每一屆都係由上一屆嘅得獎者頒發畀接任嘅一位！

今年季軍就由坐喺台下嘅「視帝」馬德鐘負責頒發予得獎佳麗。由於中華小姐唔少都會選擇升學又或者無留喺香港娛樂圈發展，真係只為選美而來，所以都唔一定可以出席下一屆嘅接任儀式。

當尋晚宣佈頒發季軍時，大家可能都會期待下會唔會可以睇番來自外地嘅佳麗，點知就係由身兼大會評判嘅馬德鐘負責頒發。

可能高度問題，所以馬德鐘幫得獎佳麗戴上后冠嘅時候，顯得有點「雞手鴨腳」，仲將后冠戴得比較後嘅位置。