【反應過大？】陳奕迅發火轟學生玩手機，鄭中基：會玩埋一份！
呢幾日都被「陳奕迅出席分享會，學生玩手機」一事洗版⋯⋯
先回顧一下：
陳奕迅（Eason)趁住推出全新專輯，就去到香港各大專院校舉行「L.O.V.E. in F.R.A.M.E.S. 大專巡迴分享會」，分享音樂、大碟意念，又會播放專輯內嘅音樂紀錄片，學生們就可以自由舉手發問。但去到第8站香港公開大學站（3月27日）完結後，Eason所屬的易思音樂竟然無喺社交平台上發放呢一站嘅相，被指係因現場有學生只顧玩手機，又喺問答環節中令Eason感到未被尊重！
有網民喺Facebook上分享當日嘅「所見所聞」，整理出學生嘅行為：
1. 播放音樂紀錄片時，唔粉少同學不斷玩電話，甚至有人睇綜藝節目
2. 第一位發問同學問完問題後話：「完場後可唔可以合照？」
3. 第二位發問同學表示無問題要問，只係向嘉賓展示自己同Eason嘅舊合照
當去到第三位學生問問題時，Eason就指自己依家答唔到問題，直言自己非常憤怒！因為見到現場好多同學一直只係掛住玩手機，覺得未得到應有嘅尊重，並請無意交流嘅同學先行離場。
到尋日，鄭中基出席香港大學一個以「幽默感的好處」為題嘅講座，仲同學生大合照、模擬《美女廚房》。就有就者問到對「Eason出席大學講座時，學生玩手機」一事，就指自己「如果面對同樣情況，我會玩埋一份，一齊loop囉！」，又指「可能叫同學出去不是太好，不如叫佢拎出來share」
其實當見到台下觀眾「玩手機」，台上嘅講者一定唔好受，因為抱住真心同大家分享嘅心。至於Eason嘅處理方法定係鄭中基嘅講法比較好呢？小編就覺得前者喺呢件事上係「說教」形式，但起碼無大動肝火，只係用禮貌方式去提示同學。至於鄭中基指會同學生一齊loop手機，呢個方法就可能會令學生覺得「聽講座時玩手機」係被默許嘅行為，又可能會令人誤會大家都係唔尊重對方！定抑或好似睇電影前咁，開廣播叫大家唔好玩電話？但大家都慣咗做低頭族，又或者真係有重要事要回覆，所以基本上都唔可以禁止大家用手機又或者做其他同講座無關嘅事。
學生「係咁玩手機，唔尊重講者」嘅同時，又睇翻當日頭兩學生問嘅「問題」都唔係太針對呢個分享會，而係想搵Eason影相。小編覺得呢個係更加唔尊重嘅行為，仲睇得出個人素質。小編都參與過有明星出席嘅大專分享會，明白近半成或更多嘅人都係為咗嘉賓而去，想影相都好正常，但係唔係應該問有價值嘅問題，令真心嚟聽嘅人都有所得著呢？如果真係想影合照，大可等到活動完結後呢！
Ref：Insatgram、On.cc 東網
先回顧一下：
陳奕迅（Eason)趁住推出全新專輯，就去到香港各大專院校舉行「L.O.V.E. in F.R.A.M.E.S. 大專巡迴分享會」，分享音樂、大碟意念，又會播放專輯內嘅音樂紀錄片，學生們就可以自由舉手發問。但去到第8站香港公開大學站（3月27日）完結後，Eason所屬的易思音樂竟然無喺社交平台上發放呢一站嘅相，被指係因現場有學生只顧玩手機，又喺問答環節中令Eason感到未被尊重！
有網民喺Facebook上分享當日嘅「所見所聞」，整理出學生嘅行為：
1. 播放音樂紀錄片時，唔粉少同學不斷玩電話，甚至有人睇綜藝節目
2. 第一位發問同學問完問題後話：「完場後可唔可以合照？」
3. 第二位發問同學表示無問題要問，只係向嘉賓展示自己同Eason嘅舊合照
當去到第三位學生問問題時，Eason就指自己依家答唔到問題，直言自己非常憤怒！因為見到現場好多同學一直只係掛住玩手機，覺得未得到應有嘅尊重，並請無意交流嘅同學先行離場。
到尋日，鄭中基出席香港大學一個以「幽默感的好處」為題嘅講座，仲同學生大合照、模擬《美女廚房》。就有就者問到對「Eason出席大學講座時，學生玩手機」一事，就指自己「如果面對同樣情況，我會玩埋一份，一齊loop囉！」，又指「可能叫同學出去不是太好，不如叫佢拎出來share」
其實當見到台下觀眾「玩手機」，台上嘅講者一定唔好受，因為抱住真心同大家分享嘅心。至於Eason嘅處理方法定係鄭中基嘅講法比較好呢？小編就覺得前者喺呢件事上係「說教」形式，但起碼無大動肝火，只係用禮貌方式去提示同學。至於鄭中基指會同學生一齊loop手機，呢個方法就可能會令學生覺得「聽講座時玩手機」係被默許嘅行為，又可能會令人誤會大家都係唔尊重對方！定抑或好似睇電影前咁，開廣播叫大家唔好玩電話？但大家都慣咗做低頭族，又或者真係有重要事要回覆，所以基本上都唔可以禁止大家用手機又或者做其他同講座無關嘅事。
學生「係咁玩手機，唔尊重講者」嘅同時，又睇翻當日頭兩學生問嘅「問題」都唔係太針對呢個分享會，而係想搵Eason影相。小編覺得呢個係更加唔尊重嘅行為，仲睇得出個人素質。小編都參與過有明星出席嘅大專分享會，明白近半成或更多嘅人都係為咗嘉賓而去，想影相都好正常，但係唔係應該問有價值嘅問題，令真心嚟聽嘅人都有所得著呢？如果真係想影合照，大可等到活動完結後呢！
Ref：Insatgram、On.cc 東網