林子善收$300人情句句有骨，重演案情嚇到"事主"現身？
尋日社交平台上都充斥住「林子善收$300人情」一事，事緣林子善上年4月同圈外女友董佩欣（Kary）喺將軍澳一間酒店擺酒，有出席飲宴嘅賓客就向傳媒「大爆料」，指明林子善事後喺社交平台上指責朋友只係畀咗$300人情。
節錄對話內容如下：
林子善︰你畀我份人情令我永世難忘。
朋友︰自己都唔係好記得。
林子善︰$300
朋友︰真係唔係好肯定入咗幾多，印象中好似係$500，如果真係入少咗，親自搵你賠罪。
林子善︰我諗你一定係放錯咗錢，人情$300我都冇乜所謂，你冇錢都冇所謂，我請你食飯都冇所謂，好閒，最搞笑係你Facebook Inbox我話想參與我嘅婚禮，最後一個咁嘅結果，嗰下我同我老婆真係笑咗出嚟。
其實人情冇分多與少，做朋友手緊請你都冇所謂，講聲就得，上網搵吓去酒店人情基本畀幾多。
朋友︰真心對唔住，自己冇睇吓去酒店畀幾多人情，係自己嘅錯。
事件曝光過後，討論聲音不斷，一方面有人指林子善唔應該公審朋友，又有人指該名「朋友」根本都唔知道市面上係有飲宴嘅公價，一般酒店都需大約$1000。喺評論誰是誰非下，子善自己就再喺社交平台上同友人合演「收$30人情」一幕，子善作出拒絕手勢，演繹「唔收$300人情」一事，明顯熱衷於幽自己一默呢！
一出post後，喺云云支持聲音當中，就有一位疑似係「當事人」嘅朋友留言，表示：「$300果個就係我」
子善都有回應，叫「當事人」唔好再喺社交平台上留言......
其實林子善呢個回應，已經令呢件事有更多「花生」食，令呢件$300人情事件更加令人好奇背後嘅真相，同時提醒大家出席婚宴係開心事，大家好來好去，禮數確實真係要做足呢！
Ref: Instagram
節錄對話內容如下：
林子善︰你畀我份人情令我永世難忘。
朋友︰自己都唔係好記得。
林子善︰$300
朋友︰真係唔係好肯定入咗幾多，印象中好似係$500，如果真係入少咗，親自搵你賠罪。
林子善︰我諗你一定係放錯咗錢，人情$300我都冇乜所謂，你冇錢都冇所謂，我請你食飯都冇所謂，好閒，最搞笑係你Facebook Inbox我話想參與我嘅婚禮，最後一個咁嘅結果，嗰下我同我老婆真係笑咗出嚟。
其實人情冇分多與少，做朋友手緊請你都冇所謂，講聲就得，上網搵吓去酒店人情基本畀幾多。
朋友︰真心對唔住，自己冇睇吓去酒店畀幾多人情，係自己嘅錯。
事件曝光過後，討論聲音不斷，一方面有人指林子善唔應該公審朋友，又有人指該名「朋友」根本都唔知道市面上係有飲宴嘅公價，一般酒店都需大約$1000。喺評論誰是誰非下，子善自己就再喺社交平台上同友人合演「收$30人情」一幕，子善作出拒絕手勢，演繹「唔收$300人情」一事，明顯熱衷於幽自己一默呢！
一出post後，喺云云支持聲音當中，就有一位疑似係「當事人」嘅朋友留言，表示：「$300果個就係我」
子善都有回應，叫「當事人」唔好再喺社交平台上留言......
其實林子善呢個回應，已經令呢件事有更多「花生」食，令呢件$300人情事件更加令人好奇背後嘅真相，同時提醒大家出席婚宴係開心事，大家好來好去，禮數確實真係要做足呢！
Ref: Instagram