胡鴻鈞被傳"囂爆"自誇勁過林峯，鬥削骨定唱洗腦歌？
TVB「星夢幫」歌手胡鴻鈞(Hubert)被傳從謙謙公子變得恃寵生驕、目中無人！事實上自許廷鏗（Alfred)喺2017年離開星夢娛樂、鄭俊弘被爆背未婚妻暗撻何雁詩，Hubert就漸漸「上位」，成為歌影大紅人，既憑《降魔的》石敢當一角人氣急升，其後又喺青春劇《救妻同學會》擔正男一。歌曲方面，又憑《降魔的》主題目《到此一遊》再次備受關注！
Hubert唔單止被傳恃寵生驕，最爆嘅有傳佢自誇「勁過林峯」，因此被唱片公司星夢掟入「雪櫃」！
對於種種指控，Hubert今日就喺社交平台上以簡短文字去回應，對於傳聞大表莫名其妙，又指「拍到天光之後睇到報導真係呆左一下」，強調現時只可以做好自己嘅工作！唔少粉絲都留言爲Hubert打氣！
相信最令Hubert感到莫名其妙嘅地方，應該就係「被雪藏」。Hubert自今年年頭播完嘅劇集《救妻同學會》後，就比較少喺公仔箱出現，但其實一直都有出席商業活動，近月又埋首與馬國明、黃智雯等拍攝《降魔的 2》。至於歌曲方面，Hubert最新嘅作品已經係2018年推出的《救妻同學會》主題曲、片尾曲，2019年就暫時未有錄歌、出歌嘅消息。但拍劇而影響錄歌唱進度其實都在所難免。
至於「勁過林峯」呢？小編就覺得兩位喺「削骨」、「唱洗腦歌」方面可以決一高下！
兩位自入行以來，一直都被「整容」、「變臉」、「削骨」等話題圍繞住，更有唔少人整合商佢地嘅「進化度」，真係進化勁過數碼暴龍，令大家都好想問依家進化到邊個版本呢？
唱劇集洗腦歌方面，胡鴻鈞自2011年開始唱，自2018年一共唱咗30首，即係每年大約唱4首，可謂劇集主題曲產量多嘅星夢男歌手！而林峯自2002年開始，間唔中都會唱下劇集主題曲，一共有26首，大熱嘅都有唔少，包括《愛在記憶中找你》、《直到你不找我》等。
到底Hubert可唔可以真係「勁過」林峯呢？就要期待下年尾嘅影視同音樂頒獎禮喇！
Ref：Instagram、蘋果日報
Hubert唔單止被傳恃寵生驕，最爆嘅有傳佢自誇「勁過林峯」，因此被唱片公司星夢掟入「雪櫃」！
對於種種指控，Hubert今日就喺社交平台上以簡短文字去回應，對於傳聞大表莫名其妙，又指「拍到天光之後睇到報導真係呆左一下」，強調現時只可以做好自己嘅工作！唔少粉絲都留言爲Hubert打氣！
相信最令Hubert感到莫名其妙嘅地方，應該就係「被雪藏」。Hubert自今年年頭播完嘅劇集《救妻同學會》後，就比較少喺公仔箱出現，但其實一直都有出席商業活動，近月又埋首與馬國明、黃智雯等拍攝《降魔的 2》。至於歌曲方面，Hubert最新嘅作品已經係2018年推出的《救妻同學會》主題曲、片尾曲，2019年就暫時未有錄歌、出歌嘅消息。但拍劇而影響錄歌唱進度其實都在所難免。
至於「勁過林峯」呢？小編就覺得兩位喺「削骨」、「唱洗腦歌」方面可以決一高下！
兩位自入行以來，一直都被「整容」、「變臉」、「削骨」等話題圍繞住，更有唔少人整合商佢地嘅「進化度」，真係進化勁過數碼暴龍，令大家都好想問依家進化到邊個版本呢？
唱劇集洗腦歌方面，胡鴻鈞自2011年開始唱，自2018年一共唱咗30首，即係每年大約唱4首，可謂劇集主題曲產量多嘅星夢男歌手！而林峯自2002年開始，間唔中都會唱下劇集主題曲，一共有26首，大熱嘅都有唔少，包括《愛在記憶中找你》、《直到你不找我》等。
到底Hubert可唔可以真係「勁過」林峯呢？就要期待下年尾嘅影視同音樂頒獎禮喇！
Ref：Instagram、蘋果日報