【偷食】安仔含淚認錯、心穎潛水，蔡一智、陳煒慘被拖落水"回應"!
尋日蘋果日報爆出車cam片段，車廂片段影到歌手許志安、黃心穎喺短短十幾分鐘攬啜纏綿，心穎不時攬實安仔，又挨又嘴、傻笑，安仔都不時摸實心穎嘅大脾，而且全程十指緊扣，其間心穎仲問：「你驚啊？」二人最後一齊喺鯉魚門落車⋯⋯
事件被爆出後，事件主角許志安、黃心穎嘅回應、去向都備受關注。同時，網民都十分同情二人嘅另一半：鄭秀文（許志安太太)、馬國明（黃心穎男友）。而事件的男主角許志安尋晚7點召開記者會，係事件中最先表態嘅一位。整個記者會全程10多分鐘，期間不設記者問答環節。
「停工」許志安：我係一個壞咗嘅人！
許志安先講對唔住，然後對自己同Sammi屋企人、愛護佢嘅人致萬二分嘅歉意，指自己做咗一件不被原諒嘅事，亦為呢一個錯深深去反省自己。佢表示自己係一個醜惡嘅人，希望召開記者會承擔事件中嘅責任......
其後強忍淚水，再承認自己當晚的確係飲醉酒，「飲醉酒絕對唔係籍口去犯呢d咁錯嘅事」「我非常後悔 」「都好難面對自己」「睇到報導後，我覺得自己好錯，好丟臉，好嘔心，好陌生」又指深刻反思過點克制自己唔犯色心。
對於承擔責任方面，第一部份，許志安表示現時會暫停所有工作，直至搵番一個真正、正確嘅自己，重新檢視自己。第二部份就係心靈上，「我覺得自己不知所謂，我嘅錯令到身邊所有愛我嘅人承受一種咁大嘅壓力痛苦」，又指報道令佢反思自己迷失咗自己......最後再一次話自己令身邊人難堪，「我做錯咗」、「對唔住Sammi」、「我呢一刻係無咗靈魂」、「我係一個壞咗嘅人」「希望大家可以畀時間我搵番自己」.....
記者會過後，許志安再喺個人社交平台上post黑色相，再次道歉，可惜兩次回應都並未獲網民接受，社帖文下充滿負評，指佢「拖累Sammi」、「請退出娛樂圈」等等。安仔所屬嘅太陽娛樂都發出聲明，董事總經理黃柏高表示今天中午才從北京返港，一下機就收到安仔電話，指佢為飲酒及不當的行為道歉，同時自己提出希望暫停現時所有工作，「作為公眾人物，必須有恰當行為，亦要為自己行為負責，今次許志安嚴重的過錯，公司的立場會即時暫停許志安所有工作。」
「入雪櫃」黃心穎：閂Fb 、熄IG留言功能
女主角黃心穎喺事件爆出後就保持「潛水」，已關IG留言功能（有指幾日前已經係），亦刪除個人Facebook專頁。無綫方面就表示對事件相當重視，並決定即將雪藏心穎。喺尋晚嘅TVB節目《東張西望》、《娛樂頭條》都只係有播出許志安召開記者會部份，暫未有提及黃心穎去向。
由於黃心穎熄Instagram上嘅留言功能，所以大批網民都踴到去心穎大家姐黃心美、二家姐黃心妙嘅Instagram上「洗版」留言，平時不時分享司儀工作照嘅心美同樣無「上水」。
至於黃心穎男友馬國明尋日就未有回應事件，據報道指本來馬國明尋日要為電視劇《降魔的2》開工，但都放假，改做下一日（4月17日）開工，大家都期待馬明開工回應事件嘅同時，其實都十分關心佢。
蔡一智、杜德偉、陳煒、馬明媽媽都被拖落水
當大家尋日由睇住事件被爆出後，看似同事件無關嘅人都通通被要求回應，事件牽連甚大！
一直都有唔少網民指蔡一智、黃心穎/ 許志安、杜德偉生得好似，兩位「餅印」躺著也中槍，都同樣收到網民大量嘅攻擊留言，大家都係因為唔可以喺黃心穎嘅Instagram上留言，就轉移陣地。
蔡一智 Instagram 上嘅部份留言：「蔡一智先係主角呀」、「經一事蔡一智」、「留咗內部票俾志安未??」、「d人係到鬧黃心穎」、「你點對得住鄭秀文啊？」、「佢個演唱會一定爆曬人 但全部唔係聽歌 係走去問你個晚做咩同杜生一齊」而杜德偉 Instagram 都被轟炸「鯉魚門啲海鮮好吃嗎」、「需然你有一把油潤有光澤的長髮，但不是大哂，不能搶人老公，知道嗎？這樣做不好…… 我要打你手板..洩洩」
瘋傳錄音指心穎同王浩信有景轟
陳煒：條聲係假嘅
至於同心穎合作過拍劇嘅陳煒，就因為一段被指係佢大爆料嘅錄音被捲入事件，「嗰時我同萬綺雯返大陸做嘢，拍緊唔記得咩名…呀《東坡家事》，佢（心穎）同王浩信拖手啦，成日黐埋佢度，肯定有景轟啦！跟住有次去宣傳，佢同萬綺雯講，啱啱先去蘭桂芳飲完酒嚟，嗰陣時開始我都知佢肯定係啲Wet妹玩玩下嗰啲嚟，佢同馬明我都覺得唔慌耐，肯定係貪馬明傻吓傻吓咁啦！」陳煒事後都有接受訪問澄清所流出嘅聲帶
條聲係假嘅，又指大家都知佢嘅聲音、語氣都有別於聲帶。
馬國明媽媽對心穎：即係唔會好鍾意，又或者好唔鍾意
TVB派出主播林子博去到馬國明屋企樓下，向馬國明媽媽追問，遞上被傳媒拍到黃心穎的短片畀對方睇，馬媽媽話：「係咪拍戲嚟㗎？」又被問到對囝囝女朋友心穎嘅印象，「好普通啫，即係唔會好鍾意，又或者好唔鍾意⋯⋯我唔理佢地事，如果要結婚相信會話畀我聽，唔需要成日問。」
事件由尋日下午爆出至今，許志安嘅回應絕對值得討論嘅地方，但大家怒插嘅同時，其實當中又更加令到唔太關事嘅人被拉落水，始終最需要回應嘅就係事件當中嘅主角⋯⋯
Ref： YouTube、Instagram
事件被爆出後，事件主角許志安、黃心穎嘅回應、去向都備受關注。同時，網民都十分同情二人嘅另一半：鄭秀文（許志安太太)、馬國明（黃心穎男友）。而事件的男主角許志安尋晚7點召開記者會，係事件中最先表態嘅一位。整個記者會全程10多分鐘，期間不設記者問答環節。
「停工」許志安：我係一個壞咗嘅人！
許志安先講對唔住，然後對自己同Sammi屋企人、愛護佢嘅人致萬二分嘅歉意，指自己做咗一件不被原諒嘅事，亦為呢一個錯深深去反省自己。佢表示自己係一個醜惡嘅人，希望召開記者會承擔事件中嘅責任......
其後強忍淚水，再承認自己當晚的確係飲醉酒，「飲醉酒絕對唔係籍口去犯呢d咁錯嘅事」「我非常後悔 」「都好難面對自己」「睇到報導後，我覺得自己好錯，好丟臉，好嘔心，好陌生」又指深刻反思過點克制自己唔犯色心。
對於承擔責任方面，第一部份，許志安表示現時會暫停所有工作，直至搵番一個真正、正確嘅自己，重新檢視自己。第二部份就係心靈上，「我覺得自己不知所謂，我嘅錯令到身邊所有愛我嘅人承受一種咁大嘅壓力痛苦」，又指報道令佢反思自己迷失咗自己......最後再一次話自己令身邊人難堪，「我做錯咗」、「對唔住Sammi」、「我呢一刻係無咗靈魂」、「我係一個壞咗嘅人」「希望大家可以畀時間我搵番自己」.....
記者會過後，許志安再喺個人社交平台上post黑色相，再次道歉，可惜兩次回應都並未獲網民接受，社帖文下充滿負評，指佢「拖累Sammi」、「請退出娛樂圈」等等。安仔所屬嘅太陽娛樂都發出聲明，董事總經理黃柏高表示今天中午才從北京返港，一下機就收到安仔電話，指佢為飲酒及不當的行為道歉，同時自己提出希望暫停現時所有工作，「作為公眾人物，必須有恰當行為，亦要為自己行為負責，今次許志安嚴重的過錯，公司的立場會即時暫停許志安所有工作。」
「入雪櫃」黃心穎：閂Fb 、熄IG留言功能
女主角黃心穎喺事件爆出後就保持「潛水」，已關IG留言功能（有指幾日前已經係），亦刪除個人Facebook專頁。無綫方面就表示對事件相當重視，並決定即將雪藏心穎。喺尋晚嘅TVB節目《東張西望》、《娛樂頭條》都只係有播出許志安召開記者會部份，暫未有提及黃心穎去向。
由於黃心穎熄Instagram上嘅留言功能，所以大批網民都踴到去心穎大家姐黃心美、二家姐黃心妙嘅Instagram上「洗版」留言，平時不時分享司儀工作照嘅心美同樣無「上水」。
至於黃心穎男友馬國明尋日就未有回應事件，據報道指本來馬國明尋日要為電視劇《降魔的2》開工，但都放假，改做下一日（4月17日）開工，大家都期待馬明開工回應事件嘅同時，其實都十分關心佢。
蔡一智、杜德偉、陳煒、馬明媽媽都被拖落水
當大家尋日由睇住事件被爆出後，看似同事件無關嘅人都通通被要求回應，事件牽連甚大！
一直都有唔少網民指蔡一智、黃心穎/ 許志安、杜德偉生得好似，兩位「餅印」躺著也中槍，都同樣收到網民大量嘅攻擊留言，大家都係因為唔可以喺黃心穎嘅Instagram上留言，就轉移陣地。
蔡一智 Instagram 上嘅部份留言：「蔡一智先係主角呀」、「經一事蔡一智」、「留咗內部票俾志安未??」、「d人係到鬧黃心穎」、「你點對得住鄭秀文啊？」、「佢個演唱會一定爆曬人 但全部唔係聽歌 係走去問你個晚做咩同杜生一齊」而杜德偉 Instagram 都被轟炸「鯉魚門啲海鮮好吃嗎」、「需然你有一把油潤有光澤的長髮，但不是大哂，不能搶人老公，知道嗎？這樣做不好…… 我要打你手板..洩洩」
瘋傳錄音指心穎同王浩信有景轟
陳煒：條聲係假嘅
至於同心穎合作過拍劇嘅陳煒，就因為一段被指係佢大爆料嘅錄音被捲入事件，「嗰時我同萬綺雯返大陸做嘢，拍緊唔記得咩名…呀《東坡家事》，佢（心穎）同王浩信拖手啦，成日黐埋佢度，肯定有景轟啦！跟住有次去宣傳，佢同萬綺雯講，啱啱先去蘭桂芳飲完酒嚟，嗰陣時開始我都知佢肯定係啲Wet妹玩玩下嗰啲嚟，佢同馬明我都覺得唔慌耐，肯定係貪馬明傻吓傻吓咁啦！」陳煒事後都有接受訪問澄清所流出嘅聲帶
條聲係假嘅，又指大家都知佢嘅聲音、語氣都有別於聲帶。
馬國明媽媽對心穎：即係唔會好鍾意，又或者好唔鍾意
TVB派出主播林子博去到馬國明屋企樓下，向馬國明媽媽追問，遞上被傳媒拍到黃心穎的短片畀對方睇，馬媽媽話：「係咪拍戲嚟㗎？」又被問到對囝囝女朋友心穎嘅印象，「好普通啫，即係唔會好鍾意，又或者好唔鍾意⋯⋯我唔理佢地事，如果要結婚相信會話畀我聽，唔需要成日問。」
事件由尋日下午爆出至今，許志安嘅回應絕對值得討論嘅地方，但大家怒插嘅同時，其實當中又更加令到唔太關事嘅人被拉落水，始終最需要回應嘅就係事件當中嘅主角⋯⋯
Ref： YouTube、Instagram