十大中文金曲獎座被拍賣，香港樂壇真係咁無地位？
又有歌手棄獎事件？今年2月嘅時候，新城勁爆頒獎禮嘅「勁爆躍進歌手」獎座被商台DJ Colin發現被棄置於北角天橋底，仍然未查證出獎座係屬於邊位歌手嘅同時，近日又有一單疑似棄獎事件！日前有人喺拍賣網站用1,000元底價出售一個「十大中文金曲」獎座，標題上寫上「老香港懷舊物品」字眼。
喺拍賣網站上嘅相中，獎座年份同獎名都被遮蓋，因此未能搵出相關歌手。但賣家就附上葉蒨文、容祖兒過往拎住十大中文金曲獎座嘅相片供大家參考。（附上兩位天后嘅相，係指佢地係獎項物主，定真係單純用天后「吸客」？）相信如果大家有意買個獎座（當然係唔可以做呢個行為），第一時間一定會問賣家個獎嘅來源、所屬歌手呢！
對於呢一宗懷疑棄獎事件，小編都十分好奇個獎座係屬於邊一位歌手，但同時最感慨嘅地方就係「香港樂壇真係咁無地位嗎？」「香港樂壇係無歌手，只有藝人嗎？」每年嘅四大樂壇頒獎禮，都會有被觀眾、樂迷話「分豬肉獎」，即係好似係一個只要有「畀面」出席就可以得獎嘅局面，而唔係真正對歌手、幕後人員一年努力嘅嘉許，呢一部份評論已經睇得出香港樂壇嘅地位每況愈下，愈來愈未被重視。另外，觀眾會關心歌手嘅打扮、言論，而唔會太過於關心歌手當晚演唱時嘅音準（當然大走音就一定會被大肆報導），歌曲嘅本質往往被娛樂性所埋沒。
如果呢一個獎座係100%真品，確實要為樂壇感到可悲！
Ref：Instagram
喺拍賣網站上嘅相中，獎座年份同獎名都被遮蓋，因此未能搵出相關歌手。但賣家就附上葉蒨文、容祖兒過往拎住十大中文金曲獎座嘅相片供大家參考。（附上兩位天后嘅相，係指佢地係獎項物主，定真係單純用天后「吸客」？）相信如果大家有意買個獎座（當然係唔可以做呢個行為），第一時間一定會問賣家個獎嘅來源、所屬歌手呢！
對於呢一宗懷疑棄獎事件，小編都十分好奇個獎座係屬於邊一位歌手，但同時最感慨嘅地方就係「香港樂壇真係咁無地位嗎？」「香港樂壇係無歌手，只有藝人嗎？」每年嘅四大樂壇頒獎禮，都會有被觀眾、樂迷話「分豬肉獎」，即係好似係一個只要有「畀面」出席就可以得獎嘅局面，而唔係真正對歌手、幕後人員一年努力嘅嘉許，呢一部份評論已經睇得出香港樂壇嘅地位每況愈下，愈來愈未被重視。另外，觀眾會關心歌手嘅打扮、言論，而唔會太過於關心歌手當晚演唱時嘅音準（當然大走音就一定會被大肆報導），歌曲嘅本質往往被娛樂性所埋沒。
如果呢一個獎座係100%真品，確實要為樂壇感到可悲！
Ref：Instagram