裕美"過來人"身份講出軌，"情到濃時情緒感覺會控制你"!

「安心偷食」事件剛好被爆出一星期，幾位事件主角嘅粉絲，又或者係電腦、手機前嘅「食花生」嘅你，唔單止關心主角幾時會作出回應外，相信都有留意有「唔多關事」嘅人作出回應，其中一位就係落選港男梁裕恆嘅「大爆料」，指心穎只係一個希望得到愛嘅人，又提到事發至今「無人同佢講過一句公道說話」，更被樂易玲指佢發神經！

直至尋日裕美出席活動接受媒體訪問時，就用上「過來人」（曾被拍背住丈夫林恩浩蜜會藝人黃子恆）身份發表對感情嘅睇法，「情到濃時情緒感覺會控制你去做一些不合timing的事情，自己無資格去評論任何人，相信有許多原因去引發事情，希望當事人能安然渡過。」又提到自己拍過好多次拖嘅原因「人性都係渴望愛，尤其自己係來自單親家庭......想尋覓完整家庭愛，是我拍好多次拖原因，我不是找藉口，是心理上需要。」

其實「情到濃時情緒感覺會控制你！」呢個說法又唔可以話佢錯曬，每個人對感情都有唔同睇法，畢竟佢都只係照直講，又無指明道姓攻擊「安心」事件中嘅幾位當事人，又唔係有「抽水」嘅意味，而且裕美早前都有份參與黃心穎有份做主角嘅劇集《堅尼地愛堅尼地》，應該都會被抽起，所以佢都係事件延伸出來嘅受害者呢......

Ref: Instagram