小紅姐上"今日vip"興奮過龍，唔小心劇透《鐵探》!
熱播劇集《鐵探》嘅演員惠英紅、黃智賢、楊明，早前就接受TVB節目《今日VIP》嘅專訪，既然係自家製節目，正正常常都係例牌式介紹角色，又或者同觀眾們分享拍攝過程中嘅趣事、難忘事。點知節目係上星期五下午播出嘅時候，小紅姐唔單止提到一眾演員都係「高手過招」各有鬥心，加上配合三機拍攝，所以大家都希望可以「一Take過」完成。
當主持黎芷珊問小紅姐係唔係好難選擇邊一場戲係最難忘、震撼嘅時候，小紅姐就話都有好幾場係佢最難忘嘅，唔單止係同「程Sir」黃智賢對罵果一場，仲有劇中細仔Matt Sir（楊明 飾）死嘅場口，「當佢死嘅時候，我喺度諗我應該點樣處理呢？因為大仔（洪永城飾）死我係用崩潰嘅形式......但細仔死我係用一種靜嘅方式，見到佢死我係痛嘅，見到個仔有血，我幫佢抹，明知佢死咗，幫佢抹番好佢、解開手扣，幫佢整返好啲衫，跟住起身就行。但行到樹林我忍唔到就開始癲，但癲完行出嚟又靜返。」小紅姐都有透露呢一幕嘅情感比較難處理......
到今晚(4月23日)播出嘅一集，Matt Sir都仲有出現嘅.....
對於小紅姐嘅「意外」劇透，小編就覺得劇透確實「抵打」，但小紅姐又描述得繪形繪色，每一個細節位都講得好清楚，都令人想像出當時嘅畫面呢！（好想快D睇到啊！）
Ref: TVB
當主持黎芷珊問小紅姐係唔係好難選擇邊一場戲係最難忘、震撼嘅時候，小紅姐就話都有好幾場係佢最難忘嘅，唔單止係同「程Sir」黃智賢對罵果一場，仲有劇中細仔Matt Sir（楊明 飾）死嘅場口，「當佢死嘅時候，我喺度諗我應該點樣處理呢？因為大仔（洪永城飾）死我係用崩潰嘅形式......但細仔死我係用一種靜嘅方式，見到佢死我係痛嘅，見到個仔有血，我幫佢抹，明知佢死咗，幫佢抹番好佢、解開手扣，幫佢整返好啲衫，跟住起身就行。但行到樹林我忍唔到就開始癲，但癲完行出嚟又靜返。」小紅姐都有透露呢一幕嘅情感比較難處理......
到今晚(4月23日)播出嘅一集，Matt Sir都仲有出現嘅.....
對於小紅姐嘅「意外」劇透，小編就覺得劇透確實「抵打」，但小紅姐又描述得繪形繪色，每一個細節位都講得好清楚，都令人想像出當時嘅畫面呢！（好想快D睇到啊！）
Ref: TVB