"東張西望"女主持帶隊行山，電視迷投訴指秒變色情節目!

TVB節目《東張西望》近月「添食」到星期一至日，一星期播足7日黃金時期，晚晚陪住大家！當中除咗追訪城市熱話、訪問老店店主嘅環節受歡迎外，一眾外訪女主持推介行山熱點嘅環節，都一直深受各位電視迷、網民嘅愛戴，皆因有一部份觀眾都係「醉翁之意不在酒」，係想睇一眾「東張女神」，如：利穎怡、林泳淘，而多過欣賞香港大自然嘅美景呢！

上星期就有網民喺Facebook 群組「將軍澳」發帖，附上節目截圖，認為女主持人嘅衣著容易引人幻想，反問「請問呢個係色情節目嗎？」


呢一集嘅女主持人阮嘉敏（Mandy）提到大埔美景梧桐寨隱藏種種奪命陷阱，同攝製隊隨山藝教練走訪早前行山客墮崖身亡嘅意外現場一帶，視察沿路危機所在。佢身穿上一件粉紅色貼身背心，下身則配搭一條貼身長褲，過程中都有嘗試攀爬山澗.....



帖文一出，就有唔少網民指「到底衣著有咩問題呢？」、「咩色情節目會著得到咁保守」，大部份留言都指係發文者思想出現問題，指佢係為投訴而投訴呢！

Mandy 自加入《東張西望》團隊後，都被派往外出採訪嘅工作，仲著過唔少緊身嘅衣物呢！


大家又點睇呢件事呢？

Ref: Facebook、TVB