IKEA新廣告相寫"食我豆腐"，港人保守定真係低俗？

IKEA 宜家家居日前喺Facebook 專頁上發帖，宣傳再次推出嘅豆腐花味新地筒，caption上寫上「你哋食還食，記得溫柔啲～」，相片上就以新地筒配上「只要你鐘意隨時都可以嚟食我豆腐」，發出帖文短短幾日，已經有一千多個回應，網民反應兩極，有指「唔覺低俗，就算低俗點解低俗就一定係錯？」又有指「係冒犯女性，係鼓勵性侵」等等。

其實廣告都係想宣傳「豆腐花味雪糕」，但又好似點寫都係死，「食我」、「食豆腐」、「食我豆腐」畢竟男子調戲女性或佔對方便宜，甚至性騷擾，都會被俗稱做「食豆腐」，「食豆腐」一直都係男性輕薄女性的代名詞，又難免再次引起一場「關公災難」......