張振朗留言賀楊明出土成功，回顧倉底劇成功例子！
TVB 9點半檔嘅全新劇集《婚姻合伙人》，由楊明、高海寧首次擔大旗外，其實呢套仲係一早已經拍完嘅劇集，等足2年，終於可以重見天日同一眾劇迷見面呢！
作為男主角嘅楊明都有喺社交平台上劇集花絮照，相中有高海寧、已經「離巢」嘅黃淑儀，三人興奮合照，看似合作得十分愉快呢！
受到「安心事件」拖累嘅張振朗，早前喺劇集《堅離地愛堅離地》首當男一，又有另一套劇集《牛下女高音》，後者已經有重拍嘅消息，但前者都仲係未有進一步嘅消息，又未有播出日期，相信好大機會都係未能播出。
張振朗喺帖文下留言指楊明嘅相已經「收埋」咗3年（相信佢都希望自己有呢一日）
其實有份參演一些播映無期嘅「倉底劇」，係唔係又直接等同於死路一條呢？以下就有3套屬於TVB倉底劇嘅成功例子，2套劇集題材各異，又唔一定有大卡士座陣，但同樣叫好又叫座，仲成功喺頒獎禮中大獲獎項，又得到唔少劇迷、網民的熱愛！
《天與地》（2011年）
被網民稱為「神劇」的《天與地》，即使由林保怡、陳豪、佘詩曼、黃德斌及邵美琪主演，但都由2009無綫節目巡禮劇集之一，延至2011年尾嘅「炮灰期」先播出。劇集大玩食人「重口味」劇情，又滲入政治、社會、宗教等元素。到最後喺TVB「一人一票」賽制下，事隔一年後奪得「最佳劇集」，片尾曲《年少無知》更唱到街知巷聞，成為2012 年叱咤樂壇我最喜愛的歌曲大獎！
《巾幗梟雄》（2009年）
有指本來不在2009年播放檔期內，但「珍姐」 曾麗珍出手令佢從倉底重見天日！劇中最令人印象深刻嘅應該唔少得柴句口頭禪「人生有幾多個十年？」劇集當年最高收視47點，鄧萃雯、黎耀祥仲成為萬千星輝頒獎典禮2009年嘅視帝、視后，全劇更一共奪得6個獎項，絕對係倉底劇中的表表者！
所以話......如果有好劇本、好拍檔，做倉底劇都唔一定慘淡收場呢！
Ref: Instagram、TVB
作為男主角嘅楊明都有喺社交平台上劇集花絮照，相中有高海寧、已經「離巢」嘅黃淑儀，三人興奮合照，看似合作得十分愉快呢！
受到「安心事件」拖累嘅張振朗，早前喺劇集《堅離地愛堅離地》首當男一，又有另一套劇集《牛下女高音》，後者已經有重拍嘅消息，但前者都仲係未有進一步嘅消息，又未有播出日期，相信好大機會都係未能播出。
張振朗喺帖文下留言指楊明嘅相已經「收埋」咗3年（相信佢都希望自己有呢一日）
其實有份參演一些播映無期嘅「倉底劇」，係唔係又直接等同於死路一條呢？以下就有3套屬於TVB倉底劇嘅成功例子，2套劇集題材各異，又唔一定有大卡士座陣，但同樣叫好又叫座，仲成功喺頒獎禮中大獲獎項，又得到唔少劇迷、網民的熱愛！
《天與地》（2011年）
被網民稱為「神劇」的《天與地》，即使由林保怡、陳豪、佘詩曼、黃德斌及邵美琪主演，但都由2009無綫節目巡禮劇集之一，延至2011年尾嘅「炮灰期」先播出。劇集大玩食人「重口味」劇情，又滲入政治、社會、宗教等元素。到最後喺TVB「一人一票」賽制下，事隔一年後奪得「最佳劇集」，片尾曲《年少無知》更唱到街知巷聞，成為2012 年叱咤樂壇我最喜愛的歌曲大獎！
《巾幗梟雄》（2009年）
有指本來不在2009年播放檔期內，但「珍姐」 曾麗珍出手令佢從倉底重見天日！劇中最令人印象深刻嘅應該唔少得柴句口頭禪「人生有幾多個十年？」劇集當年最高收視47點，鄧萃雯、黎耀祥仲成為萬千星輝頒獎典禮2009年嘅視帝、視后，全劇更一共奪得6個獎項，絕對係倉底劇中的表表者！
所以話......如果有好劇本、好拍檔，做倉底劇都唔一定慘淡收場呢！
Ref: Instagram、TVB