黃心穎被傳遭TVB索償3000萬，樂易玲開腔回應！

「安心偷食」事件發生至今，女主角黃心穎出走美國修讀演藝課程「避風頭」，但都留下唔少手尾，除了幾位家姐嘅社交網站被網民留言狂轟外，幾套主演嘅劇集都需要重拍！劇集角色方面，早前已確定由湯洛雯出演《法證先鋒 4》第三女主角，而《牛下女高音》的女一則由江嘉敏擔任。


但今日就有傳聞指由於劇集重拍、廣告商索償，而TVB將會向黃心穎索償3000萬。因而又有傳當事人而要申請破產以解決困境！但無綫高層樂易玲接受傳媒查詢時就指：「No way！冇咁嘅事！」一句粉碎傳聞！

早前已經有指台慶重頭劇《法證先鋒4》受黃心穎影響的戲分約達三分一，預計補拍開資逾1000萬元，再加上黃心穎曾經代言過服裝、隱形眼鏡等，其實即使要賠償都係無可避免，畢竟身爲藝人，「形象插水」絕對唔係只關自己事。猶記得黃心穎喺事件被爆出一日後先喺社交平台上留下字句，當時已經被轟「唔負責任」、「無同Sammi道歉」等，後來又「一走了之」，通通都係看似無認真對待自己嘅過錯，所以真係唔好講賠唔賠償嘅問題⋯⋯
Ref：TVB