姚子羚被瘋傳為情欲短片主角，發文表示「我沉默並不代表我畏懼」

姚子羚自被爆出與Raymond Young 秘戀8個月，又有指佢介入蘭桂坊夜場「Dragon-I」董事Raymond與蔡宛珊（Sarika）嘅婚姻，成為戀情中的第4者，又被爆出與Raymond嘅床照，事件鬧得熱哄哄！



到早幾日，社交平台上就有一條情欲短片，直指短片中的女主角就係姚子羚，該段片段比較模糊，但就有唔少睇過嘅網民表示聲音係同姚子羚十分相似！姚子羚接受媒體訪問時已堅稱自己無拍過情欲短片。

其實自與Raymond過往嘅一段情被公開後，姚子羚已經親身回應自己已經同Raymond分手一段日子，又表示知道二人交往時對方係單身。
到尋日，佢先再喺社交平台上有感而發，其中一部份提到「我沉默；並不代表我畏懼。我不逐一解釋；亦不代表是事實的全部。」不少藝人，如：胡定欣、黃翠如、黃智雯、袁偉豪等都留言表示支持！



可能有部份人見到「小三」、「小四」等感情關係嘅字眼就已經判定姚子羚就係「做錯事」，當然我地唔係確實清楚事件，可以喺茶餘飯後討論，但今次所流出嘅影片已經被「疑似」事主否認，大家又何必再大肆批判呢！

藝人，都只不過是普通人。

Ref: Instagram