蒼井優與諧星山里亮太閃婚，巴打心碎表示日本女星唔睇樣！

憑住初出道作品《青春電幻物語》而火紅嘅33歲日本女演員蒼井優今日驚爆閃婚，對象就係比佢年長9歲嘅就係日本諧星山里亮太。據報導指二人拍拖2個月就決定結婚，實在值得恭喜！

據報導指二人結緣係因為山里亮太所屬組合「南海Candies」嘅成員山崎靜代，皆因佢曾經同蒼井優合作電影《扶桑花女孩》，再經飯局介紹山里亮太、蒼井優認識。


對於女神要結婚（仲要係閃婚），一眾網民都表示「接受唔到」，同時又慨嘆日本女星「嫁人」都係「唔睇樣」呢！皆因戴住一副標誌紅框眼鏡嘅山里亮太曾經連續3年獲封「日本最醜藝人」呢！


網民又列舉出幾位被指唔係外貌協會嘅人妻女星，如：堀北真希、佐佐木希！

曾主演《野豬大改造》嘅堀北真希2015年閃婚，係大佢12歲的男演員山本耕史，二人因2015年合作舞台劇《咆嘯山莊》而結緣！

而佐佐木希就係喺2017年喺社交平台上公佈喜訊，下嫁相差15年嘅諧星渡部建，當時令唔少網民都大跌眼鏡！


歸納翻以上3位女星嘅另一半都係同佢地有一定年齡差距，唔通係因為喺演藝界見慣靚仔，都係決定選擇成熟、可靠嘅男士？不過又有網民就提到男士「口甜舌滑」、「風趣」往往係較受女性所歡迎呢！不過小編相信總有人唔係睇外貌為最重要，而且情侶間相處在乎溝通、心靈交流呢！
Ref: Instagram