《愛回家》Terry因水瘤變醒，網民熱議「病發」係黑化後最好睇！
不少劇迷、網民都十分期待《愛回家之開心速遞》今個星期四、五播出嘅《真 ‧ Terry回歸》上下兩集，大家都好想知道咩原因令天真嘅Terry（李偉健 飾）突然反常地聰明，又討論鍾意黑化版還是傻氣版嘅Terry！
尋晚播出嘅《真 ‧ Terry回歸》（上）當中，就向觀眾交代Terry變得聰明就係因為一個水瘤。劇情提到Terry突然感到頭痛，其後喺廁所暈倒。於是喺醫生詳細檢查下發現Terry之前受到大量電流衝擊，所以就令佢腦內生咗一個水瘤，仲愈生愈大，必須要做手術。
其後，Terry喺家姐龍力蓮（林淑敏 飾）追問下，提到自己腦內有水瘤，壓住腦內神經，「如果做手術的話，就會變返蠢，但如果唔做，水瘤爆咗，就有可能會無命」大小姐勸Terry盡快做手術，但Terry就指家姐係想佢變返蠢，然後令自己可以成為接班人！
呢兩幕係呢一集展現何解Terry會突然變醒嘅關鍵所在，但網民們就喺討論區產討論Terry嘅演技，直指佢唔識做奸角嘅表情，反而係「病發」係黑化Terry後最好睇嘅一幕呢！
小編就覺得Terry喺傻仔、天真嘅劇情係發揮得唔錯，但做奸險表情方面就有種話畀人個「我做緊戲」嘅感覺，但又唔可以一口咬定係演員唔識做戲嘅，或者係因為比較浮誇嘅表情去強調「傻仔」Terry先係真正嘅性格呢！但一直喺網上討論區上都有不少意見指Terry唔識做奸角，未知編劇會唔會真係順應民意唔再「黑化」Terry呢？
Ref： TVB
尋晚播出嘅《真 ‧ Terry回歸》（上）當中，就向觀眾交代Terry變得聰明就係因為一個水瘤。劇情提到Terry突然感到頭痛，其後喺廁所暈倒。於是喺醫生詳細檢查下發現Terry之前受到大量電流衝擊，所以就令佢腦內生咗一個水瘤，仲愈生愈大，必須要做手術。
其後，Terry喺家姐龍力蓮（林淑敏 飾）追問下，提到自己腦內有水瘤，壓住腦內神經，「如果做手術的話，就會變返蠢，但如果唔做，水瘤爆咗，就有可能會無命」大小姐勸Terry盡快做手術，但Terry就指家姐係想佢變返蠢，然後令自己可以成為接班人！
呢兩幕係呢一集展現何解Terry會突然變醒嘅關鍵所在，但網民們就喺討論區產討論Terry嘅演技，直指佢唔識做奸角嘅表情，反而係「病發」係黑化Terry後最好睇嘅一幕呢！
小編就覺得Terry喺傻仔、天真嘅劇情係發揮得唔錯，但做奸險表情方面就有種話畀人個「我做緊戲」嘅感覺，但又唔可以一口咬定係演員唔識做戲嘅，或者係因為比較浮誇嘅表情去強調「傻仔」Terry先係真正嘅性格呢！但一直喺網上討論區上都有不少意見指Terry唔識做奸角，未知編劇會唔會真係順應民意唔再「黑化」Terry呢？
Ref： TVB