《愛回家》Terry回歸天真，劇迷質疑Terry係「扮蠢」！
處境劇《愛·回家之開心速遞》尋晚就播出「真．Terry 回歸」嘅下集部份，上集就交代Terry（李偉健 飾）係因為腦生水瘤而壓住神經線，從而令佢變得聰明。不過Terry就唔願接受手術，以免令自己「打回原形」，回歸傻氣，而令自己失去公司繼承人的機會，更因為手術一事同大小姐（林淑敏 飾）爭持不下！
直到尋晚下集當中，劇情交代Terry唔做手術嘅原因就係怕自己打回原形後，就唔可以幫大小姐坐上主席之位，同埋更加唔想家姐要同Jacky政治婚姻！大小姐最後都有送Terry到醫院做手術，呢個都係成為全集嘅亮點所在，到底Terry係唔係會一如大家所料回歸天真呢？
不過就有劇迷質疑Terry只係扮蠢「如果唔係扮蠢 條綫真係好無謂」、「似扮傻多」，又懷疑編劇們係想利用呢兩集去測試觀眾反應，睇下大家係鍾意黑化版定傻仔版呢！
網民們提出兩大佐證：
1) Terry喺手術後醒來，第一時間就問自己係唔係變翻蠢⋯⋯小編就覺得呢個佐證都唔表示出Terry係「扮傻」，畢竟都真係做咗手術，而且Terry又唔係失憶，佢事前都真係知自己手術後係有可能會變番蠢！
2) 劇集後段由佳叔（鍾志光 飾）口述劇情「Terry唔小心熄咗其他病人嘅氧氣機」，而唔係喺畫面中呈現出嚟。呢一點會唔會又大家想太多呢？劇中兩兄弟傾計都講到Terry都好正常，而且一向都唔係所有劇情都會完全拍曬出嚟（當然有得睇埋就更好）。
Terry係唔係真係「扮蠢」，就有待確認，不過可能係太耐無睇Terry嘅「蠢事」，所以尋晚Terry清醒後嘅情節都真係幾好笑，好似Terry見到牀頭擺咗一個載住三粒話梅嘅膠樽，就以為係佢腦內嘅瘤呢！不過劇迷一向都係比較難滿足，一時又要Terry聰明，一時又話要睇雙重人格⋯⋯
Ref： TVB
直到尋晚下集當中，劇情交代Terry唔做手術嘅原因就係怕自己打回原形後，就唔可以幫大小姐坐上主席之位，同埋更加唔想家姐要同Jacky政治婚姻！大小姐最後都有送Terry到醫院做手術，呢個都係成為全集嘅亮點所在，到底Terry係唔係會一如大家所料回歸天真呢？
不過就有劇迷質疑Terry只係扮蠢「如果唔係扮蠢 條綫真係好無謂」、「似扮傻多」，又懷疑編劇們係想利用呢兩集去測試觀眾反應，睇下大家係鍾意黑化版定傻仔版呢！
網民們提出兩大佐證：
1) Terry喺手術後醒來，第一時間就問自己係唔係變翻蠢⋯⋯小編就覺得呢個佐證都唔表示出Terry係「扮傻」，畢竟都真係做咗手術，而且Terry又唔係失憶，佢事前都真係知自己手術後係有可能會變番蠢！
2) 劇集後段由佳叔（鍾志光 飾）口述劇情「Terry唔小心熄咗其他病人嘅氧氣機」，而唔係喺畫面中呈現出嚟。呢一點會唔會又大家想太多呢？劇中兩兄弟傾計都講到Terry都好正常，而且一向都唔係所有劇情都會完全拍曬出嚟（當然有得睇埋就更好）。
Terry係唔係真係「扮蠢」，就有待確認，不過可能係太耐無睇Terry嘅「蠢事」，所以尋晚Terry清醒後嘅情節都真係幾好笑，好似Terry見到牀頭擺咗一個載住三粒話梅嘅膠樽，就以為係佢腦內嘅瘤呢！不過劇迷一向都係比較難滿足，一時又要Terry聰明，一時又話要睇雙重人格⋯⋯
Ref： TVB