《白色強人》張曦雯經常短裙上陣，網民：「院長個女有特權？」

TVB劇集《白色強人》除咗因爲醫療改革方案等主題而備受觀眾所留意外，另一關注嘅地方應該係一劇中已經集合幾位TVB女神，包括：唐詩詠、李佳芯 (Ali)、馮盈盈、張曦雯，四位喺劇中都係飾演醫生，但有網民就發現張曦雯出場時所著嘅裙係同其他女角色相比係比較短，係刻意大騷長腿嗎？





Kelly喺劇中都唔係次次著裙出現，都有著過褲出場！應該係話佢嘅服飾較同劇其他角色多變化⋯⋯


網民就對Kelly所飾演嘅醫生角色常著短裙，就只佢係刻意，更有網民投入地表示因爲Kelly係飾演院長呂仲學（姜大衛 飾）嘅女兒Yan，所以就可以得到「優待」呢！


小編就覺得如果係配合角色需要，又無強硬地指醫生角色係唔可以著短裙，而且都唔係過於暴露嘅衣物，所以大家都係專心集中劇情嘅發展比較好⋯⋯如果想睇Kelly 嘅靚相，大可以再等待佢喺Instgram內分享嘅「福利圖」呢！

Ref： TVB、Instagram