TVB主播金盈反駁網民批偏頗， 遭洗版後轉做私人帳號

近月有關於TVB新聞部報導《逃犯條例》相關的遊行、示威，都因為選擇性報道而成為不少網民的攻擊對像。日前TVB新聞主播金盈就在其個人Instagram 內回覆網民的質疑、批評，「如果你有質疑，你可以讀新聞系做記者，了解更多，中立咁將事實報道出嚟，我認為睇一件事要全面，就係要睇多間傳媒嘅報道。」


金盈的回應就被不少網民炮轟，指其言論係支持新聞部，而且唔合理，「原來要讀過新聞系先了解到事實真相，真係失敬」、「有質疑就要做記者？咁質疑林鄭，咪要去做特首？」「咁質疑警察，咪要去做警察？」

昨日，金盈的Instagram內依然有不少批評的留言，達「洗版」程度，


面對網民的評論，金盈都有對部份作出回覆，不過繼關閉留言功能後，金盈最終就把Instagram帳號轉為私人帳號，即是希望表達對金盈、TVB新聞部不滿的網民都未必再有機會留言。


除了在Instagram 內批評外，有網民又在連登討論區內發起「要去通訊事務管理局投訴佢」，不過其實大家如果要投訴，似乎投訴機構是比較有作用......金盈將Instagram改為私人帳號，如此「避風頭」的方式，又不禁令人回想起TVB近日因為擔心安全而緊急取消不少商場活動呢！不過「避風頭」方式又可以持續多久？
Ref: Instagram