吳若希po全家福宣佈再有喜　回覆啊Bob留言時又爆料？

歌手吳若希(Jinny)早前曾經被傳媒指她「肚突突」孕味甚濃，Jinny就一直未有回應傳聞，而在社交網站上更新的相都是刻意「唔見肚」，更令人好奇她是否在疫情期間「造人」成功！Jinny 與老公何兆鴻(Alex) 終於在昨日(10/6)透過社交網站宣佈好消息，Jinny上載被3歲囡囡淼淼 (Giselle)輕摸孕肚的全家福並寫下「一家。四口。」，而Alex就分享囡囡與老婆的合照，當中提到「好吧！那爸爸就給你一個弟弟」，即是湊成一個「好」字，十分溫馨！


而Jinny向來語出驚人、有話直說，她在接受回覆好友胡鴻鈞、何雁詩、江若琳留言時都貫徹真性情，其中回應啊Bob的「就嚟追到我㗎嘞」時，Jinny拋下一句「安排何生下年做結紮手術」，或者她是指自己只會生兩胎，但難免都予人「落老公面」的感覺！

Jinny在4月都曾經在宣傳新歌的Instagram直播中大爆房事，指老公從來「唔打飛機」的緣由「佢係一個唔打飛機嘅人，話好嘥時間，其實（打飛機）可能係講緊5至10分鐘，對比起打機2、3個鐘，佢話打機唔嘥時間，唔係好明佢對時間投入嘅觀念，係我有問題定點？」不過Jinny當時應該已懷孕一段時間，只不過是夫妻間耍花槍，攻擊老公只掛著玩遊戲機而不理會自己。

每次看到Jinny的「爆料」時，其實都覺得十分富有娛樂性，不過都應該要適可宜止呢！

Ref : Instagram