湯洛雯po單人相都趁機放閃　男友馬國明留言遭網民追問！

「靚湯」湯洛雯自6月上載小馬（代表男朋友馬國明）與獨角獸公仔的相後，都未有更新與男朋友馬明有關的相，似是有意把戀情低調處理。不過昨日開始，靚湯就一連上載三張自己身穿T-shirt、短褲的相 ，相中笑得開懷的她其實是趁機「放閃」！皆因她是穿上印有男朋友馬國明最愛的卡通人物唐老鴨，旋即有不少網民指「明湯戀」十分甜蜜兼且送上祝福 ！



靚湯在其中一張相中「笑到見牙唔見眼」，馬明都有讚好兼且留言話「鴨……」兼且附上三個表達興奮的表情符號，未知是看到女友還是心愛的唐老鴨感到興奮呢？有網民就追問馬明一個世紀難題「唐老鴨同馬太同時跌落水你會救邊個先？」馬明暫時就未有回覆，而靚湯就輕鬆地拆解，「其實鴨係識游水嘅...」不過相信靚湯總會希望男友會把自己放在首位。

靚湯今日下午再於Instagram限時動態中分享字句「Make Yourself a Priority 」（優先考慮自己），又似是回應大家對戀情的關心！

不過這種「突然」放閃又未有如密密上載合照那麼煩厭，兼且符合馬明向來低調處理感情事的作風，自然得到不少網民、粉絲看好二人戀情能開花結果！
Ref ： Instagram