現代中醫幫你安枕無憂~ 蘇安莎中醫診所

「失眠」係香港好普遍，我都唔例外，係其中一員
我由早期的眼光光到天光，到家下晚晚瞓到半夜就會醒，之後就等天光咁滯
長此落去，唔單止對身體唔好，個人會變得暴躁，甚至會影響日常的生活添
但我一直堅持唔食安眠藥。好怕西藥帶來的副作用，到時變左依賴，唔知點算呀~

最近有個朋友介紹我去睇中醫治失眠
中醫好呀，我自細到大都係睇中醫多，就連我女由BB開始都係食中藥中醫藥性溫和好多，又無乜副作用，所以快快手就預約左啦~


今日黎到蘇安莎中醫診所的土瓜灣分店
呢間中醫館同平時既中醫真係大不同呀~
門面好似西醫診所咁，光潔企理，同平時既黑媽媽的醫館好大分別呀~ 

其實現代中醫已經好有系統，唔再係以前舊式既學徒制，好多大學學府都已設有中醫課程正如蘇安莎中醫診所既中醫師都係註冊中醫師黎，位位都資歷豐富
所以依家睇中醫其實好有保障，唔再係以前舊個D咩家傳秘方。


唔講係咪唔覺似睇中醫呢~ HAHA
呢間中醫診所地方設計簡約舒適，光猛寬敞，唔係黑媽媽，殘殘舊舊咁
就算等候都坐得舒服D呀~ 


全場唯一比較傳統的，就只有呢塊牌匾~XD


枱上面的，原來係近年好流行的養生保健茶，
D茶名仲好多潮語，後生仔女都好易接受~


話咁快就見到我的主診醫師，陳醫師啦~
陳醫師好後生呀~唔係阿伯~XD
佢好細心咁問哂我既日常作息，望，聞，問，切 ，一樣不漏~


醫生雖然好後生，不過佢對我的診斷都好準確呀~
而且他態度好親切，我問左唔少問題，醫生都好詳細咁解釋我聽
就算我一時唔明白，再問，醫生都好有耐性咁解釋~~ 
經過同醫師o既對答，我對自己既身體都了解多左，醫生仲教左我一D養生的小TIPS 添~ 

望望下，醫師有D似韓國名星蘇志燮~XD

我鐘意現代中醫的另一個原因，就係唔使煲藥~
須知道煲藥真係麻煩，又要睇水又要睇火，日日收工湊女都忙到鬼咁，仲邊有心機慢慢五碗煲埋一碗呀~
加上傳統的煲藥真係好苦架。見到黑漆漆的一碗，真係有D未飲都驚左先

但呢度既中醫就改用藥粉，只要飲前用熱水沖開，再焗一焗就飲得，方便簡單
仲方便我返工時間都可以沖黎飲~ 唔使再煲定拎返公司囉~ 


雖然呢間中醫診所咁現代化
不過佢既收費都跟番傳統中醫既收費模式架
就係診金 + 每日的藥費 ，名碼實價
醫師今次就開左五日藥俾我
每日下午 / 晚飲一次


每包藥粉都唔算少的，入面有好多種唔同顏色，代表不同的藥


因為藥粉未到粉末狀，所以沖的時候要有少少技巧
先以滾開的熱水沖開 (水唔需要太多，100ML 就夠, 之後就加蓋焗佢，等藥粉慢慢溶~)


話咁快，一杯中藥就完成啦~


絕對係乾手淨腳，快靚正~ ，可以好悠閒舒適咁就飲上一杯中藥了~
而且最重要的是藥粉比煲的藥易入口好多
飲完滿口回甘，我都唔使再加糖送啦。


飲完藥的第一晚，我到九點幾已經開始有D睡意
到十一點已經上床瞓著了XD

平時我總係半夜四點幾就會紮醒，眼光光到天光。所以每日都好似未睡醒咁，好攰

但飲左五日中藥後，我可以瞓到每朝六點幾，七點。
而且起身後已經無之前咁攰，個人都精神左好多~
失眠帶來的困擾已經解決左好多啦~

醫師話飲完呢五日，再去多次覆診，就可以徹底解決到我呢個困擾多時的失眠症啦
早知咁簡單，我就早D去睇啦~ 


如果大家都好似我咁瞓得唔好，不妨搵中醫師幫下手
早日解決，早日安枕無憂呀~

如對產品有任何疑問，可直接聯絡品牌查詢
文章只屬個人意見，效果因人而異，只供參考
如要聯絡本人，請電郵至： [email protected] 
Fanpge : www.facebook.com/smonkichi 
Instagram : https://instagram.com/smonkichi/

Click below for my sharing platform :
* Blogspot * She.com * U Beauty * Beauty Exchange * Beautylife *
* We Share * Beauty Qooza * Baby Kingdom * Fanpiece * The Ztyle *

* ESD Life 生活易 *