馬拉風味在鰂魚涌~ 檳榔島敍

馬拉野，介乎係熟悉同陌生之間 
平時會食，但又唔會經常食
鰂魚涌呢間檳榔島敍, 將馬拉飲食變成左FUSION 菜
更親民，更入屋 


全木設計的外觀，加上彩色的光管，好有馬拉熱帶風情
一入黎便被呢面海洋之牆驚艷到


置身當中，令人感覺非常清涼舒適! 熱辣辣的感覺一掃而空~


馬拉菜，大多都加入辣味，而酒水就變得好重要
做唔到檳榔島敍會貼心的送上免費水，好感悠然而生


是夜假日，仍有提供二人套餐
三百幾蚊，有前菜， 小食，主菜，甜品同飲品，非常劃算~


上菜速度，真係超級的快 ~ 
話咁快就上齊啦~ 


先黎呢個跟餐的小食
小食是八款揀3款 
我揀左馬拉盏一口蝦多士，馬拉盏魷魚圈同馬來沙嗲雞脾肉串


全部炸物都灱得好鬆脆，而且唔油呀 
蝦多士入口勁脆，魷魚圈就外脆內軟~ 
而我鐘意呢個馬來沙嗲醬，滿滿的花生，沙嗲夠香帶甜~ 非常惹味~


馬來生炸脾 + 椰醬飯


超級大的炸脾呀~~ 
雞脾先用香料醃過再生炸，外皮超香脆，肉質夠嫩 ，食落陣陣香料味~
椰漿飯好特別，聞落有好香的椰汁味，不過入口無甜味~
再配合呢D馬拉獨有的小食一齊食，超級有風味~



濃香喇沙煙肉長通粉


喇沙平時都係做湯底多
但喇沙變成醬汁, 仲要配長通粉就第一次試
食之前將D生雞蛋倒落去撈勻佢先食
成個配搭幾新鮮，而且好夾。唔算好辣，反而有很濃的喇沙味道
而且個醬汁好掛麵，牢牢地貼在長通粉上~
醬汁非常濃郁，適合重口味人仕~ 


飲品方面，特意點了很有馬拉風情的
阿參冰茶 : 其實我未食過阿參果，今次係第一次嘗試
估唔到幾得意，酸酸甜甜，好似酸梅湯咁~ 

斑蘭龍眼冰：非常突出的龍眼甜味，再加上斑蘭的獨有香味整杯飲品我只諗到用『fresh』黎形容


甜品方面，有呢個超有馬拉特色的
自家製斑蘭咖央多 
多士係小麥多士，仲要烘到超脆口


入面係滿滿的斑蘭咖央醬
每一啖都有斑蘭清香+濃濃的咖央甜味
邪惡到不得了，但又好味到停唔到口~ 
為是日晚餐來一個完美的句號~  


特別要一讚呢度既服務，隨叫隨到
即刻未有空，都會好爽快應你一聲
而且每個人都朝氣勃勃，唔會HEA HEA下 
（雖然係夜晚，但每一個人仲好有活力呀）
令顧客完全感受到馬拉熱情呀～

檳榔島敍
Penang toujours鰂魚涌海灣街2號濱海大廈地下D-1號舖

文章只屬個人意見，效果因人而異，只供參考

聯絡本人： [email protected]
Fanpage : www.facebook.com/smonkichi
Instagram : https://instagram.com/smonkichi/

本人其他分享網站連結 :
* Blogspot * She.com * U Blog * Beautylife *
* We Share *ESD Life 生活易 * 
* Beauty Qooza * Baby Kingdom * Fanpiece  *