希古恩加盟祖記，將觸發３個潛在轉會！
希古恩正式以九千萬歐羅身價，由拿玻里轉投祖雲達斯，將簽約五年，年薪七百萬歐羅。
轉會費雖則可以分兩年俾。但係呢單轉會係意甲歷來最高轉會費，亦同時係世界第三高。對祖記黎講，毫無疑問係一筆好大嘅支出。儘管帶來球衣銷量上升或者其他商業效益，不過都唔可以即時補充到咁龐大嘅資金流失。所以，祖雲達斯即時出售球員套現係可以預期嘅。
第一個觸發嘅潛在轉會將會係普巴轉投曼聯。眾所周知，曼聯新任領隊摩連奴求才若渴，明白到曼聯現時中場中路活力不足嘅問題積弱已久，故此就算以天價收購普巴亦在所不惜！
而祖雲達斯成功收購比真歷後，中場中路由守轉攻已經有普巴嘅代替品。以往係羅馬時期，比真歷係轉守為攻時所擔任嘅角色，某程度上同祖記嘅普巴有啲相似。同樣地負責帶球推進，將個波運到前場位置，亦要兼顧好多中場組織嘅工作。但有樣野幾唔同，普巴踢法較剛強，比真歷就相對較柔，屬於純技術型。偏偏祖記剛強嘅中場多的是，馬治斯奧，基迪拉等等，仲有上緊位嘅新星利文拿。所以由比真歷代替普巴嘅工作，再加入兩個防守力高嘅中場「逗」住黎踢，冇左普巴，實力都不會大減得很嚴重。
第二個可能會觸發嘅潛在轉會係邦路斯將轉投車路士。車路士新領隊干地從來都係一個重視防守嘅領隊，佢深深明白到，球隊可靠中堅人選不足嘅問題。泰利將近36歲，蘇馬又尚待啄磨，伊雲洛域打中堅猶如自殺，剩低卡希爾實在獨力難支。
祖記依家好多時都會用到三後衛陣式，需要中堅人手係多，但係祖記冇野多，偏偏中堅最多。連同早前借入嘅賓拿迪亞，祖記現時可用中堅多達5人。同時邦路斯又未至於係祖記中堅嘅絕對主力，加上歐國盃後佢身價上升至接近5000萬鎊，擅於做生意嘅祖記，係冇乜損失嘅情況下，出售邦路斯或者會係何樂而不為。
最後一個可能觸發嘅轉會可能會係文迪蘇傑（或譯文素基治；曼祖基奇........），係希古恩加盟下，佢已經接近冇可能再有正選位置。呢個時候，30歲，仍屬當打之年嘅佢，好大機會會離隊尋求新挑戰，而唔係會甘於做一個後備。同時，文迪蘇傑現時身價並不算太高（係呢個全部人都終極課金嘅社會），且看有冇正缺前鋒嘅球隊，尤其是資金有限嘅中上遊球隊，會考慮收購呢一位具經驗同質素嘅前鋒。
Goal.com預則來季祖記正選陣容
圖片來源：Goal.com
轉會費雖則可以分兩年俾。但係呢單轉會係意甲歷來最高轉會費，亦同時係世界第三高。對祖記黎講，毫無疑問係一筆好大嘅支出。儘管帶來球衣銷量上升或者其他商業效益，不過都唔可以即時補充到咁龐大嘅資金流失。所以，祖雲達斯即時出售球員套現係可以預期嘅。
第一個觸發嘅潛在轉會將會係普巴轉投曼聯。眾所周知，曼聯新任領隊摩連奴求才若渴，明白到曼聯現時中場中路活力不足嘅問題積弱已久，故此就算以天價收購普巴亦在所不惜！
而祖雲達斯成功收購比真歷後，中場中路由守轉攻已經有普巴嘅代替品。以往係羅馬時期，比真歷係轉守為攻時所擔任嘅角色，某程度上同祖記嘅普巴有啲相似。同樣地負責帶球推進，將個波運到前場位置，亦要兼顧好多中場組織嘅工作。但有樣野幾唔同，普巴踢法較剛強，比真歷就相對較柔，屬於純技術型。偏偏祖記剛強嘅中場多的是，馬治斯奧，基迪拉等等，仲有上緊位嘅新星利文拿。所以由比真歷代替普巴嘅工作，再加入兩個防守力高嘅中場「逗」住黎踢，冇左普巴，實力都不會大減得很嚴重。
第二個可能會觸發嘅潛在轉會係邦路斯將轉投車路士。車路士新領隊干地從來都係一個重視防守嘅領隊，佢深深明白到，球隊可靠中堅人選不足嘅問題。泰利將近36歲，蘇馬又尚待啄磨，伊雲洛域打中堅猶如自殺，剩低卡希爾實在獨力難支。
祖記依家好多時都會用到三後衛陣式，需要中堅人手係多，但係祖記冇野多，偏偏中堅最多。連同早前借入嘅賓拿迪亞，祖記現時可用中堅多達5人。同時邦路斯又未至於係祖記中堅嘅絕對主力，加上歐國盃後佢身價上升至接近5000萬鎊，擅於做生意嘅祖記，係冇乜損失嘅情況下，出售邦路斯或者會係何樂而不為。
最後一個可能觸發嘅轉會可能會係文迪蘇傑（或譯文素基治；曼祖基奇........），係希古恩加盟下，佢已經接近冇可能再有正選位置。呢個時候，30歲，仍屬當打之年嘅佢，好大機會會離隊尋求新挑戰，而唔係會甘於做一個後備。同時，文迪蘇傑現時身價並不算太高（係呢個全部人都終極課金嘅社會），且看有冇正缺前鋒嘅球隊，尤其是資金有限嘅中上遊球隊，會考慮收購呢一位具經驗同質素嘅前鋒。
Goal.com預則來季祖記正選陣容
圖片來源：Goal.com