【轉會消息】要來了？巴塞出價1.5億歐元　誓要抱得「古仔」歸

早前著名運動品牌「一剔牌」曾經「唔覺意」咁公佈咗古天奴將會喺冬季轉會窗加盟巴塞隆拿，但就好快刪除咗有關報導。不過，消息一出，則惹嚟唔少傳媒嘅估計及追查，最新消息指，古天奴加盟巴塞隆拿嘅交易有最新進展。據報，巴塞將會為古天奴，向利物浦出價1.5億歐元，誓要得到呢位期待佢加盟已久嘅心頭好！



▲　　條款內包括1.1億歐元嘅轉會費，仲有4000萬歐元的浮動條款，合計轉會費有機會達1.5億歐元！

▲　　7號又幾襯喎，定係11號襯啲呢？

雖然巴塞去年夏天出售尼馬後，收購古天奴的行動以失敗告終，但巴塞高層呢排不斷同利物浦球會方接觸，務求盡快說服對方將呢名隊中進攻核心出售。第二次再接受對方報價，利物浦都係時候作出決定架喇，始終會方都好清楚古天奴嘅意願，佢本人心願亦希望加盟巴塞。

而據西班牙傳媒《世界體育報》指，巴塞購入古天奴呢項消息，最快將會喺今週西甲，主場對利雲特賽前宣佈。同時，利物浦主帥高普喺今輪比賽作客般尼一役，都冇召入古天奴（雖然高普解釋古天奴有傷）。再計埋之前「一剔牌」官網宣佈古天奴加盟巴塞一事，令大家不得不揣測他將離隊投巴塞！