【輸波輸品】卡希爾擺烏龍，阿古路上前恥笑？
喺今輪英超嘅焦點大戰入面，車路士作客以3：1大勝曼城，而喺臨完場前，雙方仲差啲上演「全武行」，因為主隊射手阿古路喺爭波個陣，使出咗黃局長絕招奪命較剪腳，搞到大衛雷斯即時瞓低。
事後，阿古路當然被紅牌趕出場啦，而佢嘅隊友費蘭甸奴亦都領紅，因為佢喺較剪腳出現無耐，同車路士中場法比加斯發生口角，仲要向對方叉頸，咁球證都好難唔趕你走啦！
唔少球迷批評曼城輸波又輸品，尤其係阿古路，因為佢係上半場亦都曾經發生疑似恥笑對手嘅行為，對象就係唔小心擺烏龍嘅加利卡希爾。
成日都話要有片有真圖，今次真係有片啦！攝影師影到阿古路喺加利卡希爾將波踢入自己龍門之後，特登烏低身，疑似係有嘢講俾呢一位車路士隊長知，然後就跑去慶祝！不過，阿古路只係烏低身一吓，有無恥笑加利卡希爾呢？咁真係當事人先知啦！
https://www.youtube.com/watch?v=XsNJuE0Jrv4
https://www.youtube.com/watch?v=qnmaGhyuPqw
事後，阿古路當然被紅牌趕出場啦，而佢嘅隊友費蘭甸奴亦都領紅，因為佢喺較剪腳出現無耐，同車路士中場法比加斯發生口角，仲要向對方叉頸，咁球證都好難唔趕你走啦！
唔少球迷批評曼城輸波又輸品，尤其係阿古路，因為佢係上半場亦都曾經發生疑似恥笑對手嘅行為，對象就係唔小心擺烏龍嘅加利卡希爾。
成日都話要有片有真圖，今次真係有片啦！攝影師影到阿古路喺加利卡希爾將波踢入自己龍門之後，特登烏低身，疑似係有嘢講俾呢一位車路士隊長知，然後就跑去慶祝！不過，阿古路只係烏低身一吓，有無恥笑加利卡希爾呢？咁真係當事人先知啦！
https://www.youtube.com/watch?v=XsNJuE0Jrv4
https://www.youtube.com/watch?v=qnmaGhyuPqw