【我差點講真】巴神：我有可能拎金球獎架！

前阿仙奴中場迪亞比喺無幾耐之前，講過自己有諗過拎金球獎，仲話如果唔係有咁多傷喺身，自己經已一早拎埋獎喎！近期，「巴神」巴洛迪利都講出同一番話，但照牌面，好似「巴神」拎嘅機會高啲喎，始終佢係前鋒嘛（你懂的）！

喺今個夏天加盟尼斯之後，「巴神」嘅狀態似乎返哂黎，唔單喺近年6場比賽入6球，仲要帶領球隊坐緊法國榜首，認真巴閉！

對於拎金球獎，巴洛迪利有以下回應：「當今世上，最出色嘅肯定係C朗同美斯，但如果我可以健健康康踢一季，我唔係無機會拎金球獎架！」