【細路都無情講】得個19歲仔，「耶穌仔」都有嘢俾哥帥禁制？

萬眾期待，巴西新星加比爾捷西斯無幾耐之前，終於同曼城教練哥迪奧拿見過面啦，而依家經已返到巴西進行短期休假嘅「耶穌仔」，就話哥帥經已向自己落咗條禁令啦喎！唔係啩，咁快？

喺哥迪奧拿入主曼城之後，盛傳佢禁制咗一班球員好多好多嘢，包括唔俾喺球會上網，同埋唔準喺半夜12點後發生性行為。不過，作為誠心嘅基督徒，加比爾捷西斯都有嘢俾哥迪奧拿禁？

到底禁乜嘢？咪就係大人、細路仔都咁鍾意嘅可樂囉！點解？飲可樂易肥、影響健康囉！