【歷史第二人】李城前鋒首5分鐘內2助攻，刷新英超紀錄！

喺李斯特城主場4：2贏曼城一仗入面，除了占美華迪大演帽子戲法值得開心之外，施利文尼喺開賽5分鐘就連取2個助攻，都值得一讚！唔講唔知，呢位阿爾及利亞國腳係英超史上，第2位喺比賽頭5分鐘，就錄得助攻梅開二度嘅球員，咁第1位係邊個？俾5秒大家估下。

5、4、3、2、1！第1位喺比賽頭5分鐘，就錄得2次助攻嘅球星就係「小學雞」艾沙雲，而呢位紀錄係喺2011年2月創下，呢位俄羅斯前鋒當時效力嘅阿仙奴，喺聯賽出戰紐卡素。