【球員都可以拼圖】一個超級球員應該係點？尼馬話俾你知
潮流興講拼圖，無論係一隊波，甚至係一個球員嘅各個部份，都可以好似拼圖咁，喺心目中拼合最好嘅出黎。日前，巴塞隆拿翼鋒尼馬喺接受《CNN》訪問個陣，揀選一位超級球員應有嘅特質。
喺速度同球感方面，尼馬就認為兩名巴西前輩「大哨」朗拿度同羅馬里奧，喺呢一方面嘅能手；至於喺技術方面，佢無揀到自己呀，反而係揀咗隊友美斯，仲話佢係當今世上最勁嘅足球員添！
原來唔只速度，尼馬認為大哨嘅力量都係全世界最好嘅，而視野方面，佢都係揀「哨」，不過係「細哨」朗拿甸奴喎。對於尼馬黎講，時尚感同幽默感都係一個球員必備嘅元素，而呢兩方面嘅佼佼者，佢就認為係前隊友丹尼爾啦！
不過，喺性格上，佢又覺得恩尼斯達係最好喎，但係「小白」+ 丹尼爾嘅內在條件，唔會好奇怪咩？當然，尼馬喺一個範疇上，都覺得自己係最出色嘅，係咩？咪頭髮囉！
喺速度同球感方面，尼馬就認為兩名巴西前輩「大哨」朗拿度同羅馬里奧，喺呢一方面嘅能手；至於喺技術方面，佢無揀到自己呀，反而係揀咗隊友美斯，仲話佢係當今世上最勁嘅足球員添！
原來唔只速度，尼馬認為大哨嘅力量都係全世界最好嘅，而視野方面，佢都係揀「哨」，不過係「細哨」朗拿甸奴喎。對於尼馬黎講，時尚感同幽默感都係一個球員必備嘅元素，而呢兩方面嘅佼佼者，佢就認為係前隊友丹尼爾啦！
不過，喺性格上，佢又覺得恩尼斯達係最好喎，但係「小白」+ 丹尼爾嘅內在條件，唔會好奇怪咩？當然，尼馬喺一個範疇上，都覺得自己係最出色嘅，係咩？咪頭髮囉！