【嬲嬲豬】金球獎排名得第16，經理人戥利雲唔抵！

無幾耐之前，皇馬前鋒C.朗拿度成功拎到2016年嘅金球獎，而拜仁慕尼黑前鋒利雲度夫斯基就喺今次嘅投票入面，只係拎到3票，排喺第16位。

對於呢個結果，利雲度夫斯基只係喺個人嘅社交帳戶上面，留低笑喊嘅表情符號，似乎有啲不滿喎~~~

不過，相比自己嘅經理人，利雲度夫斯基已經算相當克制，因為佢經理人Maik Barthel就喺網上發炮，睇黎真係好唔妥呢個投票結果喎，佢就咁講：「今次個投票係專家投，定係愛國主義者投架？」

到底呢句係乜嘢意思？真係諗極都諗唔通喎~~~

標籤: 利雲度夫斯基

如果喜歡我們的文章，請即分享到︰