【哨牙蘇簽新約】MSN得返一個，仲未同巴塞續約！

喺無幾耐之前，西甲勁旅巴塞隆拿宣佈，成功續約烏拉圭前鋒蘇亞雷斯，新年薪係1600萬歐元，違約金仲高達2億歐元添！換句話講，喺「MSN」入面，得返美斯仲未同球隊續約！

據了解，巴塞同蘇亞雷斯續約4年，合約延長到2021年夏天，而呢位前利物浦球員將會喺當地時間星期五嘅下晝5點，同球隊正成簽新約！對於續約留隊，哨牙蘇緊係覺得好開心啦！

喺2014年夏天加盟巴塞之後，蘇亞雷斯一共代表球隊上陣過116次，攻入97球，期間成功協助球隊拎到歐聯、西甲同埋西超盃等重要賽事嘅冠軍！