【咁荀？】干地居然俾車仔球員飲可樂同飲啤酒？

喺車路士1：0小勝西布朗嘅賽後，迪亞高哥斯達公然喺更衣室入面飲啤酒，仲俾隊友大衛雷斯拍埋片放上網。正當唔少人認為藍軍教練干地會因為呢件事，同哥斯達秋後算帳個陣，呢位意大利教頭居然話贊成球員飲大啤同埋飲可樂喎！

干地話，喺比賽完結之後，飲少少啤酒或者可樂係可以輕鬆到神經嘅，但係千其唔好飲太多囉！佢仲特登提哥斯達，叫佢比完賽要即刻飲啦，唔好隔咗成個鐘先飲！

車路士今季踢得咁多，唔少人認為係因為干地鐵腕治軍治得好，但事實上，干帥好似都唔算太嚴姐~~~