【不和】摩佬唔鍾意朗尼，想將佢賣去意甲？

唔係啩？原來曼聯隊長朗尼早喺今個夏天，經已俾摩連奴視為清洗對象？沒錯！著名球員經理人摩拉比圖（Vincenzo Morabito）日前喺訪問入面提到，朗尼喺開季之前，差啲俾人賣咗去拿玻里！

摩拉比圖講，因為摩連奴唔想益其他英超球隊，所以首選係將朗尼賣去拿玻里，因為佢地今個夏天賣走咗希古恩。不過，拿玻里唔肯接貨，所以朗尼仲差啲俾人賣咗去西甲，但係最後都無成事。

點解摩連奴一加盟曼聯就想賣朗尼呢？摩拉比圖就答：「因為摩佬唔鍾意佢囉！」