【弦外之音】迪巴拉話普巴掛住祖記？真唔真先？

無幾耐之前，祖雲達斯前鋒迪巴拉就話，覺得曼聯中場普巴會好掛住斑馬軍團喎，點解呢？

迪巴拉話自己呢排成日同普巴傾計，仲話一班祖記球員都好掛住佢，唔只場上表現，仲有佢喺更衣室入面搞gag。迪巴拉仲話，普巴都會好掛住祖記，因為祖記依家排喺意甲第1，而曼聯只係排喺英超第6喎。

好明顯，迪巴拉講緊曼聯今季踢得唔好啦，因為過往普巴喺祖記稱王稱霸，但依家就喺紅魔踢歐霸。