【長勝將軍】曼城U-18勁過一隊，成年都未輸過！
對於曼城黎講，2016年絕對係豐收嘅一年，唔只係拎到聯賽盃冠軍，仲可以邀請到名帥哥迪奧拿來投，但係一隊嘅成績似乎無因為哥帥加盟，得到好大幅度嘅提升。相反，曼城U-18就踢得好好啦！
喺2016年，曼城U-18一場都未輸過，依家仲喺北區聯賽嘅15場比賽入面，拎到11勝4和嘅不敗戰績，以37分排喺榜首，領先第2名嘅曼聯U-18足足4分。
至於喺上季嘅後半段，即係2016年嘅頭半年，曼城U-18就喺11場比賽錄得9勝2和。
統計指出，曼城U-18上一次輸波已經喺上年11月尾嘅事啦，當時佢地嘅對手就係西布朗U-18。其實曼城今季踢得都唔算好，哥迪奧拿有無諗過好似雲高爾咁，試下用班小將求變呢？
喺2016年，曼城U-18一場都未輸過，依家仲喺北區聯賽嘅15場比賽入面，拎到11勝4和嘅不敗戰績，以37分排喺榜首，領先第2名嘅曼聯U-18足足4分。
至於喺上季嘅後半段，即係2016年嘅頭半年，曼城U-18就喺11場比賽錄得9勝2和。
統計指出，曼城U-18上一次輸波已經喺上年11月尾嘅事啦，當時佢地嘅對手就係西布朗U-18。其實曼城今季踢得都唔算好，哥迪奧拿有無諗過好似雲高爾咁，試下用班小將求變呢？