【出走第一人】曼聯後備門將被借往英冠

冬季轉會窗就黎開波，好多曼聯球迷都希望摩連奴喺短期之內，將「瘀血」之一既比利時中場費蘭尼賣走，點知第一位喺呢個轉會窗離開紅魔既球員，唔係爆炸頭，係小將森莊士東。

無幾耐之前，英冠球會阿士東維拉宣佈，成功借入曼聯第三門將森莊士東，為期半季，而呢位小將就成為布魯士加入維拉公園之後，第一位簽入既球員！

上年年尾，摩連奴曾經話過森莊士東係曼聯既重要成員，好希望日後可以俾多啲機會佢。不過，紅魔個正選門將係迪基亞喎，連阿根廷正選門將羅美路都要行埋一邊，所以森莊士東揀被借走，絕對合理！