【呢個波交得靚！】奧斯爾開出續約條件，居然同雲加有關？

相信阿仙奴教練雲加依家最關心既事，就係點樣成功續約奧斯爾同埋山齊士，其中「大眼仔」就喺日前表示，自己既續約條件好簡單，就係雲加都要留隊！哇！不愧係傳球大師，呢個波交得靚！

奧斯爾話，自己當日選擇加盟阿仙奴的原因就係雲加，所以教援就係自己選擇留唔留隊既關鍵。另外，佢都表示自己好想留低喺槍手發展，仲話好鍾意一班球迷添！

之後，呢位德國國腳就喺訪問入面，提到自己好希望著起阿仙奴既10號波衫。如果唔係想留隊，點叫咁講呢？所以雲加要加把勁啦！