【說話唔可以亂講】前瑞典隊醫指「呂布」曾服禁藥，被裁定誹謗罪成

無幾耐之前，有一位曾經喺瑞典國家隊工作既隊醫，聲稱曼聯神鋒伊巴謙莫域曾經喺意大利發展期間，服用興奮劑，而「呂布」之後就將呢位醫生告上法庭，而法院依家經已裁定佢誹謗。

據了解，呢位曾經既瑞典隊醫叫做Ulf Karlsson，佢曾經公開表示伊巴曾經喺04-06年效力祖雲達斯個陣，使用興奮劑，令到自己增加左10磅既肌肉。

對此，瑞典當地法院裁定，Ulf Karlsson既言論損害左伊巴謙莫域既聲譽，前者將會被罰2500蚊歐元。