【得到佢睇起你，你有前途】巴治奧大讚兩大意甲小將！

好耐無見啦！意大利傳奇球星巴治奧日前喺訪問入面，講起今季意甲既發展，同埋走勢預測。除左大讚祖雲達斯係爭標大熱，同埋讚揚羅馬隊長托迪老而彌堅之外，巴治奧特別提到兩名年輕球員添！到底係邊個？

巴治奧率先提到既係祖雲達斯既迪巴拉，佢認為呢位阿根廷射手絕對係斑馬軍團，甚至係意甲未來的領軍人物，絕對有能力喺將來成為一位頂級球星！其實迪巴拉勁到俾人讚，都唔係第一次既事架啦，之前隊友希古恩喺上個月，都讚過呢位前巴勒莫球員踢得好似美斯架！