【救星到？】傳巴西新星有望代表曼城出戰熱刺！

唔經唔覺，巴西新星加比爾捷西斯依家經已跟新老細曼城，練左三個禮拜波，而好多城迷都好期待呢位鋒線小將既表現，仲想快啲見到「耶穌仔」上陣添。有消息話，加比爾捷西斯好可能會喺對住熱刺既聯賽度出戰！

據了解，加比爾捷西斯遲遲未幫曼城出戰，係因為英格蘭足總對於呢位小將既註冊工作，實在搞得太慢，但係所有既手續都基本接近完成，意味住呢位前彭美拉斯射手好快可以幫藍月亮上陣。

喺聯賽首循環入面，曼城作客以2：0不敵熱刺，雖然話多左加比爾捷西斯都未必可以幫哥迪奧拿贏到普捷天奴，但係有新兵既加入，點都會增強大軍士氣架啦！可能仲幫到曼城止停回升添！