【唔係險簽，係唔簽】雲加揚言，阿仙奴唔簽皮耶！

韋斯咸中場皮耶好大機會喺短期內轉會，而唔少既媒體都預料，阿仙奴會出手爭簽呢位法國中場，但係槍手教練雲加就明確表示，佢地唔需要皮耶，亦都唔想簽皮耶喎！

雲加話，阿仙奴依家擁有好多好出色既創造型球員，好似奧斯爾、山齊士同埋艾朗藍斯等等，所以佢地無必要簽皮耶，但佢同時都笠返個頭盔，話皮耶係一個出色既球員，只係槍手唔需要佢姐~~~

不過，奧斯爾同山齊士都好接近離隊喎，雖然阿仙奴目前無簽皮耶既必要，但係長遠黎計，係咪好必要補強呢？